Валканите Арапи и лесните Србинки
Објавено во Рецензии
on 13 - 10 - 2015 Автор: Љубомир Костовски
[Рецензија: „Најдобриот секс во животот го имав со мигрант“ – неверојатна исповед на Србинка]
Постојат многу форми преку кои се создава, негува и се одржува анимозитетот кон „инаквиот“ на теренот по кој се движат бегалците, оние кои со месеци минуваат и преку нашата земја на својот пат од Блискиот Исток кон Западна Европа. Тој отпор кон бегалците несомнено постои, иако можеби официјалните изјави на власта во некои земји во регионот се на линија да нè уверуваат во спротивното.
Од Турција и од Грција на истокот на континентот, па до Британија на западот, постојат секако изградени пропагандни клишеа со кои се гради отпорот кон бегалците. Што повеќе, при тоа, се „удира“ на примарните инстинкти, ефектот на таквите пропагандни флоскули е, се чини, поефикасен. Со еден текст, кој го рецензираме, се оди токму во таа насока, без оглед што се работи за преведен текст.
Линк до оригиналниот напис: „Најдобриот секс во животот го имав со мигрант“ – неверојатна исповед на Србинка
Датум на објавување: 26.09.2015
Датум на рецензирање: 12.10.2015
Рецензент: Љубомир Костовски
„Милица В, 25-годишна девојка од Србија, oтворено и без влакна на јазикот, раскажа дека најдобриот секс во животот го имала со мигрант, кој дошол во нејзината земја со бранот мигранти и дека е многу подобар од Србите со кои до сега имала односи. Милица пред две години се запознала со афроамериканец додека била на студии. Вели дека е една од првите девојки кои спиеле со афроамериканец и не се срами од тоа. Тогаш поради тоа сите ја нарекувале “чикита негра”, а расистите ја избегнувале и неа од друштво.“
Ова е воведот од преведениот текст од белградски „Телеграф“ (медиум кој персонално и организационо има конекции со нашата власт), кој, секако, најпрвин и не е ранг на гласило кое се нарекува себеси неделник и кое би требало да внимава на нивото. Но, не само што не се внимавало, туку на еден перфиден начин се поттикнува расната омраза кон „дојденците“ на најчувствителниот терен на „приматите“: преземањето на „женките“ од луѓе кои се, секако, културно, религиски и расно поинакви од домаќините, што се смета како „крајно недозволиво“ во средината како што е српската, ама богами и нашата. Па, така, конекцијата и смислата на тој навидум наивен превод е лесно најдена, без да се апострофира, наводно сопствениот став и однос по оваа пренесена, можеби и измислена релација (нема никаков доказ дека се случила, што е помалку важно, иако не е небитно како доказ на постоење на подготвени пропагандни кујни).
Но, овој текст има и уште еден контекст кој мора да се истакне. Погледнете го насловот – тој сугерира дека Арапите се валкани, ама дека и Србинките се некаков лесен плен. Оригиналниот наслов во „Телеграф“ настанот, односно „вината“ ја лоцира кај белграѓанките, што е еден вид „криење на трагите“ во велеградот за аферата која, нели, може да е сосема измислена, ако нема нешто „погодно“ за насловна, ама кај нас, односно во неделникот, имаме еден обид за карактеризација на жените, односно девојките од северното соседство. Со поука, секако – сепак, чувајте ги најблиските од понежниот пол! Да не испаднеме како „оние“…
Така, покрај ширење расизам и ксенофобија, имаме и едно вулгарно воопштување на карактеристики на близок етницитет.
Уште еден пример на исклучително ниско ниво на македонското новинарство!
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
Не може да се утврди
друга пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
информира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
Се работи за креирана илустрација
ГОВОР НА ОМРАЗА
Целиот контекст е навредлив
говор на омраза
потикнува на насилство
дискриминира
национална дискриминација, расна дискриминација, полова дискриминација
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
неповрзан со тагови