Рецензија: Најчевска: Мене ми се допаѓа Горна Македонија
Објавено во Рецензии
on 12 - 11 - 2013 Автор: Оливера Војновска
Порталот ја става професорката Мирјана Најчевска на „столбот на срамот“, само поради тоа што на нејзиниот приватен Фејсбук профил напишала: „Мене ми се допаѓа Горна Македонија“. Притоа, користејќи непримерен речник директно се напаѓа личноста на Најчевска. Станува збор за хибрид од фото-вест и коментар. Коментарот е интегриран во веста и содржи дискредитирачки квалификации за професорката врз база на субјективна перцепција на неименуваниот автор на веста.
Линк до оригиналниот напис: Најчевска: Мене ми се допаѓа Горна Македонија
Датум и време на објавување: 8.11.2013, 13:25
Датум на рецензирање: 10.11.2013
Рецензент: Оливера Војновска
Вистинитост: Написот се темели на објавата на Најчевска на нејзиниот ѕид на Фејсбук, каде таа изнесува лично мислење за предлогот „Горна Македонија“. Сите други наводи во веста се тенденциозни толкувања и претпоставки.
Извори на информации: Единствениот извор на информации е постот што Најчевска го објавила на Фејсбук. Но, порталот не навел дали е контактирана професорката како корисник на профилот, дали ја прашале за нејзиниот став изнесен на оваа социјална мрежа, како и за можните импликации од кои стравува сајтот:
„какви реакции во јавноста ќе испровоцира и овој потег“.
Па, гледајќи од тој аспект, текстот темелен само на screenshot од постот на Најчевска, чија содржина не е проверена од самиот корисник на профилот, има проблеми со релевантноста.
Содржајност: Објавената фото-вест од четири реченици, е несеопфатна. Според манирот во кој е напишана, воопшто нема амбиции да информира и да се занимава со целиот контекст на ставот на Најчевска.
Пристрасност: Пристрасноста е видлива, во текстот се нижат навредливи зборови и конструкции со единствена цел да се омаловажи Најчевска.
Коментирање: Во вест од осум реда, четири реда се коментар.
„Мирјана Најчевска на јавностa и е позната и по уште многу други вакви исти или слични испади кои на многу пати досега се докажаа како неприфатливи за поголемиот дел од македонската јавност. Какви реакции во јавноста ќе испровоцира и овој потег, останува да видиме.“
Многу лесно се препознава намерата коментарот од редакцијата да се протне како факт и да се претстави како вистина, иако се работи за паушално толкување. Овој тенденциозен текст се коси со амандманот 13 од новинарскиот Кодекс:
„Новинарот треба да прави разлика меѓу фактите и мислењата, меѓу веста и коменатарот“.
Оригиналност/Плагијат: Авторот на написот, кој е анонимен, користи копија од ФБ постот на Најчевска, како поткрепа на изнесените тврдења.
Квалитет на насловот: Насловот е најкоректниот елемент на овој новинарски производ.
Фотографија: Како илустрација е прикажан screenshot од Фејсбук профилот на професорката, кој добро се вклопува со содржината на текстот.
Говор на омраза: Веста има наредлив тон и зрачи со анимозитет кон професорката. Со еден приземен, недоличен говор се прави конструкција дека
„ Најчевска на јавноста и е позната по уште многу други вакви испади“.
Креирајќи вештачка загриженост, веста завршува со едно предупрдување дека „провокацијата“ на Најчевска може да предизвика некакви застрашувачки реакции во јавноста !?
Заклучок: Сајтот на читателите им понудил наменски редакциски текст, кој нема друга поента освен да ја дискредитира и оцрни Најчевска во очите на јавноста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
делумна копија
наведен автор
КВАЛИТЕТ НА НАСЛОВОТ
информира
некреативен
сензационален
соодветен
јасен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
политичка дискриминација
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови