Рецензија: Министерството за здравство соопшти од што починал Англичанецот
Објавено во Рецензии
on 17 - 10 - 2014 Автор: Оливера ВојновскаКога ќе се прочита насловот: „Министерството за здравство соопшти од што починал Англичанецот“ , очекувањата се дека во текстот се расчистува мистеријата околу веста што ја разбранува јавноста, за тоа дека на 9.10.2014 година на Инфективната клиника починал пациент со симптоми слични на ебола.
Но, написот не дава таква информација, туку соопштува дека :
„најрано за 48 часа со сигурност ќе се знае дали тој бил болен од ебола или од некоја хеморагична треска“
Линк до оригиналниот напис: Министерството за здравство соопшти од што починал Англичанецот
Датум и време на објавување: 09.10.2014, 19:55
Датум на рецензирање: 15.10.2014
Рецензент: Оливера Војновска
САКАТЕ ДА ЗНАЕТЕ, АМА НЕ КАЖУВАМЕ!
Написот што го рецензираме информира за вонредната прес-конференција на Министерството за здравство (9.10.2014) и во него се пренесени главните поенти од пресот. Извештајот нема проблеми со вистинитоста и го задоволува минималното ниво на сеопфатност, меѓутоа гледано од професионален аспект тој е неквалитетно направен. Всушност, станува збор за материјал за кој изгледа како да е добиен со „пластично“ спојување на делови од два текста претходно објавени во други медиуми.
Па така, главата на написот:
„Едно лице од Велика Британија почина во Скопје, со симптоми слични на ебола. Престојувал кај Мавровка во центарот на градот. Уште еден англичанец е хоспитализиран со истите симптоми. Хотелот кај Мавровка е затворен од специјалните полициски сили и здравстените власти вршат увид на местото. Нема влез и излез од хотелот.“
како да е „позајмена“ од друг медиум, каде еден час претходно (18:56) е пласирана вест на истата тема. Потоа, само е налепен текст речиси целосно преземен од трет медиум (објавен во 19:52) и тоа заедно со насловот – кој фактички ги врзува двата дела.
„За 48 часа ќе се знае дали во Македонија има ебола – починатиот Британец во Скопје бил цела недела“
Но, главниот проблем поради кој текстот заслужува негативна рецензија е манипулативниот наслов. Имено, иако тој навестува дека на јавноста ќе ѝ ја открие причината за смртта на Британецот, сепак, читателите не може да го прочитаат тоа во содржинскиот дел на написот. Така што, насловот прозвучува во стилот: „сакате да знаете, ама за инает не ви кажуваме!“
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
целосна копија
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови