Рецензија: Кучето, опасно или не, на улица мора да биде врзано
Објавено во Рецензии
on 11 - 12 - 2013 Автор: Александар ПисаревПроблемот со кучињата во урбаните средини повеќепати беше медиски обработуван, но никогаш не добивме права слика што, како, дали и со кои прописи или закони е регулирана оваа материја. Во текстот кој го рецензираме авторот добро ја обработил оваа тема, придржувајќи се до упатствата кои неодамна ги објавивме во новинарски лекции како треба да изгледа опрема на текстот. Но тоа нее единствената причина поради која заслужил позитивна рецензија. Ги има повеќе и да одиме по ред.
Линк до оригиналниот напис: Кучето, опасно или не, на улица мора да биде врзано
Датум и време на објавување: 04.12.2013, 09:30
Датум на рецензирање: 06.12.2013
Рецензент: Александар Писарев
Вистинитост: Ни една реченица во текстот не побудува сомнеж во вистинитостa, бидејќи тој е поткрепен со извор, изјави на референтна институција или поединци експерти.
Извори на информации: Има повеќе извори на информации, повикување на законски прописи и разговор со експерти.
Содржајност: Текстот има правилно развиен насловен блок, со наднаслов, наслов и поднаслов, кои се хармонично вклопени и на прв поглед ја претставуваат содржината што следи. Понатаму текстот е разбиен со меѓунаслови што овозможуваат читателот веднаш да се определи дали понудената содржина е во зона на неговото интересирање или не. „Регистар на опасни кучиња“, „За напуштање миленик 150 евра казна“, „Нема веќе циркус со животни“, „Годинава каснати 871 граѓанин“. Секој од овие блокови е содржаен и претставува посебна целина.
Оригиналност/Плагијат: Текстот е оригинално дело потпишано со полно име и презиме на авторот.
Квалитет на насловот: Насловот е многу јасен, прецизен, релативно кус и добро комуницира со наднасловот и поднасловот.
Фотографија: Фотографијата е добро одбрана, „жива“, динамична, одлично вклопена во содржина на текстот и недостасува само потпис на авторот или од каде е преземена.
Заклучок: Она што континуирано како тема недостасува во медиумите се приказните од и приказните врзани за животот на обичниот човек. Авторот одбрал актуелна урбано-комунална тема поврзана со кучињата. Излегол од стеротипиот „кој ги труе кучињата“, „кучињата скитници напаѓаат луѓе“… и со очигледно познавање на проблемот направил истражувачка сторија, повикувајќи се на актулени и нови (во форма на предлог) законски решенија, како и на многу изјави и коментари на експерти за оваа проблематика.
Со тоа е збогатена содржината и презентирана автентична, јасна и прецизна слика на проблемот со предложени решенија.
Она што ретко се случува во новински написи е опфаќање на повеќе категории читатели кои ги привлекува посочената тема. Почитувани се сите принципи и етички вредности што ги пропишува кодексот на новинарите на Македонија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
повеќестрани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
креативен
несензационален
соодветен
јасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
стилски уреден
неповрзан со тагови