verifikimiifakteve.mksitemap
verifikimiifakteve.mksitemap

Рецензија: Коце-македонскиот Џон Вејн

on 14 - 11 - 2013       

A1ON-a1on_mk_wordpress_archives_2352171-crop-resize

Веста има само една реченица. Дека Коце Трајановски, градоначалникот на Скопје, со пукање од пиштол означил старт на ноќната трка низ Скопје. Кога ќе ја прочитате, или ќе го погледнете прилогот, немате јасна слика за што се работи. Дали е тоа само најава на вест, цела вест или се работи за техничка грешка при што заборавиле да го „закачат“ прилогот.

FireShot Screen Capture #052 - 'ВИДЕО_ Коце – македонскиот Џон Вејн I A1ON' - a1on_mk_wordpress_archives_235217Линк до оригиналниот напис: Коце-македонскиот Џон Вејн

Датум и време на објавување: 10.11.2013 18:29

Датум на рецензирање: 13.11.2013

Рецензент: Александар Писарев

Вистинитост: Вистина е дека Коце Трајановски означил старт на трката, но дали имало учесници не знаеме, бидејќи и на фотографијата за најава на прилогот и во самиот прилог го гледаме само Коце Трајановски како двапати пука од пиштол за да го означи стартот на трката. Слободно можеме да се посомневаме дека воопшто немало учесници на трката. Туку Коце дошол само да се слика.

Извори на информации: Претпоставуваме дека новинарот бил на настанот штом направил прилог.

Содржајност: Не може да се зборува за никаква содржајност, бидејќи веста нема содржина. Не се задоволени основните критериуми за вест. Дали трката навистина се одржала, дали имало учесници и колку. Каде бил стартот и по која маршрута трчале, колку километри, каде е целта, дали имало публика, на која возраст биле учесници, дали се доделувала награда… Зборуваме за трка по повод празникот на градот, а никаде ги нема учесниците. Веста не содржи основни информации за настанот.

Оригиналност/Плагијат: Прилогот не е потпишан, но веројатно се работи за оригиналот, бидејќи имаме автентична снимка од стартот на трката.

Квалитет на насловот: Насловот не одговара на содржината. Прилогот е за трката по повод празникот 13 ноември. Тоа со Џон Вејн, со кого е спореден Коце Трајановски, нема никаква врска. Насловот е и треба да биде реклама за текст. Но, не може со наслов за „детергент, да се пишува за мајонез“. Тој мора да биде усогласен со текстот. Насловот кој во себе носи нешто што во текстот не е објаснето, е промашен наслов и само му нанесува штета на текстот. „Коце – Македонски Џон Вејн“ не е наслов дури ни за таблоид, бидејќи читателите не сакаат да бидат измамени.

Фотографија: Од фотографијата и од прилогот се добива впечаток дека за новинарот веста не била трката, туку присуството на градоначалникот Коце Трајановски. Два пати го прикажува само него како го означува стартот на трката.

Заклучок: Ова потсетува на стариот школски пример за новинарот кој не напишал извештај од премиерата во театарот, бидејќи во театарот избувнал пожар. Тоа за него не била вест. Тој отишол на премиера.

Во овој случај за новинарот веста била присуството на Коце Трајановски, а не трката низ улиците на Скопје по повод празникот 13 Ноември, Денот на ослободувањето на Скопје. Присуството на градоначалникот на вакви манифестации е нормално и очекувано и тоа не е вест, тој, меѓу другото, за тоа и добива плата.

„Стартот на трката го означи градоначалникот на Град Скопје, со пукање од пиштол“.

А, како на друг начин требало да го означи почетокот на трката? Овој секундарен дел од трката за новинарот бил најважен. Дури неговото пукање го споредил со вестерн филмовите: „Коце-Македонскиот Џон Вејн“. На авторот тоа му било доволно да мисли дека веста е комплетна. Е, не е доволно. Бидејќи се работи за ТВ прилог, гледачите сакале да ги видат и учесниците на трката и трката. Ако авторот го покажал стартот, требало да биде и на целта.

Основното правило при пишување на веста е, што сакам да им соопштам на читателите/гледачите? Оваа вест не е прецизна, не е јасна. Не може да се стави ни во категорија на пишувани вести, ни во визуелна вест, бидејќи ни со текстот ни со снимка не соопштува ништо. Ако новинарот веќе бил на лице место, а очигледно е дека бил, требало да нѐ информира што таму се случувало. Дали имало или немало трка, или имало само старт. Можеби по стартот учесниците си отишле дома… немаме никаква информација што таму се случувало освен што Коце пукнал двапати од стартниот пиштол.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

точни наводи

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

нема евидентирани извори

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

не може да се утврди

извртување на вистина (спин)

не може да се утврди

не аплиактивно

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

оригинално дело

ненаведен автор

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

несоодветна

манипулира

ненаведен автор(извор)

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

средно читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести