verifikimiifakteve.mksitemap
verifikimiifakteve.mksitemap

Рецензија:Трудното дрво во скопско ги лекува неплодните жени!

on 13 - 11 - 2013       

vecer_com_mk__ItemID438E14DE5BE721428E7A77A6453370B6-crop-resize

„На четириесетина минути оддалеченост од Скопје, на височините на планината Скопска Црна Гора, се наоѓа манастирот “Света Богородица”. Во дворот на манастирот ќе го видите дрвото кое наликува на трудна жена, а за кое приказната вели дека им помогнало да забременат на многу жени кои биле неплодни. Можеби во ерата на модерна технологија за многумина оваа приказна би била неверојатна, но за домарот на црквата, дедо Милош, и за локалните жители оваа дрво им донело само среќа во домот на оние што го посетиле

Ова е само воведот на репортажата Трудното дрво во скопско ги лекува неплодните жени!“ објавена на насловната страна на весникот, која несомнено го привлекува вниманието на читателите, што се потврдува и со посетеноста на интернет. Авторката  успеала да ги пренесе впечатоците од посетата на манастирот „Света Богородица“ и да ја раскаже „неверојатната приказна за трудното дрво“. Но, текстот се потпира исклучиво  на кажувањата на локалните жители и домаќините на манастирот, што го прави некако премногу „тенок“и неуверлив. Написот е читлив и до детали ги пренесува импресиите од терен, меѓутоа темата не го опфаќа и стручниот аспект.

FireShot Screen Capture #062 - 'Трудно дрво во скопско ги лекува неплодните жени!' - www_vecer_com_mk__ItemID=438E14DE5BE721428E7A77A6453370B6Линк до оригиналниот напис:  Трудното дрво во скопско ги лекува неплодните жени!

Датум и време на објавување: 12.11.2013

Датум на рецензирање: 12.11.2013

Рецензент: Оливера Војновска

Вистинитост: Видливо е дека авторката била во манастирот во скопско Бањани, разговарала со луѓето кои се грижат за манастирот и во тие факти не треба да се сомневаме. Сепак, тоа е само едната страна на приказната. Другите наводи во текстот „висат“.

Извори на информации: Написот има проблеми со релевантноста на изворите. Како соговорници се споменуваат: домарот Дедо Милош, Дарко. К од Бањани и Игор.М, кои раскажуваат за тоа како дрвото, наводно , им помогнало на некои жени да забременат!

„Од нашето село Бањани има девојка која остана бремена откако беше тука, а исто така има жени од Скопје и Велес кои останале бремени“, вели Дарко.

„Игор ни кажа дека лично познава девојка која до својата 37 година не можела да има дете и покрај тоа што се обидувала и со вештачко оплодување. Но, откако дошла кај трудното дрво, по една година добила ќеркичка.“

Меѓутоа, само со нивните искази не може да се добие целата слика за „Чудото во близина на селото Бањани“, како што е наведено во наднасловот на репортажата. За комплетна перцепција се потребни барем  два-три релевантни и стручни извори.

Содржајност: Репортажата содржински не ги опфаќа сите аспекти. На пример, можело да се побара мислење од Шумарскиот факултет за невообичаената форма на дрвото. Да се праша на што се должи ваквото извитоперување и дали е тоа честа појава. Во контекст на констатацијата на авторката:

„Кога ниту вештачкото оплодување не успева, многу жени спасот го бараат во вербата“ ,

би било соодветно да се консултираат социолози за тоа зошто луѓето кои имаат некаков проблем што го сметаат за нерешлив, буквално се фаќаат за сламка и се склони да поверуваат во несекојдневни нешта. Стручно видување на ваквите појави, на кои им се придава значење на натприродни феномени, може да се побара и од психолошка гледна точка.

Исто така, читајќи ја репортажата не се добива впечаток дали овој манастир е жив (со активен црковен живот и редовна богослужба), или е своевидно собиралиште на луѓето од тој регион. Во текстот не се споменува свештено лице, кое веројатно „овој феномен“ не би му го припишал на „трудното дрво“..

Пристрасност: Пласманот и интонацијата на текстот покажуваат одредена доза на наклонетост кај пишувачот на ова четиво.

Оригиналност/Плагијат: Објавениот материјал е оригинално дело со потпис од авторите и на текстот и на фотографиите.

Квалитет на насловот: Насловот веднаш паѓа во очи и ја содржи главната поента на репортажата.

Фотографија: Написот е илустриран со пет фотографии од терен кои добро се вклопуваат со содржината.

Заклучок: Текстот има елементи на репортажа, но недоволни за да кажеме дека е сеопфатна и добро сработена сторија. Недостасува поамбициозен пристап, особено во изборот на изворите. На репортажата и фали релевантност , како и толкување според научната и стручната мисла.  Начинот пак, на кој е срочена, ставањето преголем акцент на „чудотворната моќ на трудното дрво“, остава простор за сомнеж дека вистинскиот мотив на медиумот е насочен да предизвика што поголема читаност. Овој напис  е најчитан во  бројот 15427 од весникот, со над 8.000 посетители (во попладневните часови  во вторникот – 12.11.2013), што е далеку повеќе од читаноста на другите текстови објавени тој ден.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

не може да се утврди точноста на наводите

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

неофицијални

нерелевантни

повеќе извори

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

не може да се утврди

не може да се утврди

не може да се утврди

наклонетост

друга пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

оригинално дело

наведен автор

infoVistinitostКВАЛИТЕТ НА НАСЛОВОТ

дезинформира

досетлив

привлекува внимание

соодветен

тенденциозен

infoVistinitostФОТОГРАФИЈА

има

соодветна

информира

наведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

средно читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести