Фото излог на срамот – „вест“ со фотографија стара 10 години
Објавено во Рецензии
on 8 - 04 - 2015 Автор: Владо Ѓорчев
[Рецензија: Излог на срамот – Верва должи 480 денари (фото)]
Ова е текст кој покрај тоа што е невистинит, е и од настан кој се случил пред 10 години. Покрај тоа, во него ги нема основните елементи на новинарска информација. Нема ниту каде, ниту, кој, како, зошто… Ставена е само една фотографија со која треба да се изглуми фотовест, која на крајот излегла погрешна, неточна и срамна информација.
Линк до оригиналниот напис: Излог на срамот – Верва должи 480 денари (фото)
Датум и време на објавување: 02.04.2015, 14:17
Датум на рецензирање: 06.04.2015
Рецензент: Владо Ѓорчев
Оваа фотографија повеќе години се појавува во медиумскиот простор. И секојпат по некој се уловува на неа. Така е и со овој напис што го рецензираме денеска. Фотографијата, која ја начекале, била доволен мотив да се направи вест. Но, тоа не е новинарство. Може да биде сè, ама никако и новинарски производ. Кога на новинарот до рака ќе му дојде некоја фотографија, таа мора да се провери. Да се знае точно од каде е, како е настаната, кој ја фотографирал и со каква цел. Тоа тука не е сторено. Единствена олеснителна околност е што веста е објавена во рубриката „Живот“, иако тоа не е оправдување.
Инаку, истата вест „Оннет“ ја има објавено на 29 декември 2014 година без објаснување, туку како класична фотовест.
Веста по објавувањето веднаш беше демантирана. Тоа, пак, не беше објавено од медиумот. Во демантот објавен на „Слободен простор“ се вели:
„Станува збор за настан од пред 10 години, а Верва кој во овај случајот станува збор за маж, уредно си го има платено долгот. Сопственикот на локалот кој е затворен од пред неколку години се оградува од веста која ја пренесе “Република”.
Во недостиг на информации “Република” продолжува со своите пропагандни манипулации, дури и незнае за што точно станува збор” се пожали Илија Панов познат како “Верва”.“
Вакви вести често се појавуваат низ македонските медиуми. Сепак, тоа не се прави така. Без да се знае за што точно се работи, не се пишува вест. Можеби како фотографија може да се споделува непрекинато низ социјалните мрежи, ама не и во медиумите. Медиумите треба да известуваат објективно и вистинито. Овде тоа не е случај, башка што веста е и несодржајна. Затоа оваа информација е целосна утка која не би требало да се повторува во иднина.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови