Овој материјал немал намера објективно да информира
Објавено во Рецензии
on 5 - 04 - 2015 Автор: Оливера Војновска
[Рецензија: Итно враќање на опозицијата во Собрание и прекинување со објавување на телефонските разговори]
Во текстот што го рецензираме е подметната една дезинформација, дека европратениците, наводно, побарале „итно враќање на опозицијата во Собрание и прекинување со објавување на телефонските разговори“, а истата поента е извелечена и во спинерскиот наслов. На ваков начин јавноста погрешно се информира за ставот на Брисел за првата средба меѓу ВМРО-ДПМНЕ и СДСМ, организирана во зградата на Европарламентот (30 март 2015 година). Како што известија медиумите, на состанокот било договорено ниту една од страните да не дава официјални изјави, а датали не се изнесуваат ниту во соопштението испратено од канцелариите на европратениците Иво Вајгл, Едвард Кукан и Ричард Ховит.
Линк до оригиналниот напис: Итно враќање на опозицијата во Собрание и прекинување со објавување на телефонските разговори
Датум и време на објавување: 30.03.2015, 18:34
Датум на рецензирање: 1.04.2015
Рецензент: Оливера Војновска
УПРОПАСТЕН ИЗВЕШТАЈ
Станува збор за напис кој, најверојатно, е целосно преземен од друг медиум (заедно со насловната конструкција), каде е објавен час и половина претходно (16:55). Истиот ден ваков идентичен материјал е пласиран на повеќе веб-страници. Но, и текстот објавен на овој портал не е оригинал. Изворниот напис го објавила државната информативна агенција во 15:54, само со друг наслов – кој е коректен.
Всушност, извештајот за првиот обид за дијалог меѓу претставници на ВМРО-ДПМНЕ и на СДСМ, со посредство на тројцата европратеници, е упропастен со еден пасус:
„Неофицијалните информации од двете средби се дека став на европратениците е итно враќање на македонските социјалдемократи во македонското Собрание и прекинување со објавување на телефонските разговори што се стекнати на нелегален начин, за што ќе следува судскиот случај „Пуч” на кој ќе се докажува нивната автентичност.“
Ова парче е свесно вметнато за да се креира атмосфера дека Брисел ја смета опозицијата за виновна за политичката криза. Настрана што изгледа смешно тоа што написот нуди „неофицијални информации“ само за пораките на европските дипломати до опозицијата!
Ваквите „неофицијални информации“ СДСМ ги демантираше, а во нивната реакција е наведено дека :
„Гласилото на Никола Груевски, порталот Курир, ја лаже јавноста со информации што немаат никаква допирна точка со случувањата и разговорите во Брисел.“
Исто така, и во извештајот на дописникот од Брисел на овој видеопортал се вели дека според нивните сознанија, „европската тројка не упатила барања до СДСМ да престане со објавување на „бомбите“, ниту, пак, имало решително барање за враќање на опозициската партија во Собранието“.
Меѓутоа, очигледно е дека овој материјал немал намера објективно да информира. Иако почнал добро, сепак, набргу вистината изгубила здив. Па, добиен е наменски „осакатен“ текст со кој на јавноста ѝ се сервира класична манипулација.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
несензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови