verifikimiifakteve.mksitemap
verifikimiifakteve.mksitemap

Рецензија: Филмски и вооружен грабеж во „Кам маркет“ во Скопје

on 1 - 10 - 2013       

Филмски-и-вооружен-грабеж-Press24ResizeCrop

Оваа вест, и покрај тоа  што е техничка, го нема минималниот степен на медиумски стандарди.

Филмски и вооружен грабеж на „Кам Маркет“ во Скопје - Press24Линк до оригиналниот напис: Филмски и вооружен грабеж на „Кам Маркет“ во Скопје

Датум и време на објавување: 28.09.2013, 12:42

Датум на рецензирање: 30.09.2013

Рецензент: Зоран Бојаровски

Вистинитост: Веста може, и најверојатно е вистинита, зашто е препис на полициски извештај. Но, многу лош препис.

Извори на информации: Со оглед на тоа што е препис, има само еден извор на информации. Другите извори се во маркетот во населбата Чаир, каде што е извршен грабежот за кој се пишува во веста. Чаир мора да е многу далеку? И, како сега да се побара контакт или да се оди во компанијата што е сопственик на синџирот маркети „Кам маркет“ за да се побара верификација и дополнување на информацијата од билтенот на МВР. Тоа е многу, многу работа. Физичка. Освен тоа, покрај оваа физичка работа, треба барем малку и ментална за да се сетите дека во грабежот има и луѓе, продавачи во маркетот кои се, всушност, примарниот извор за една ваква вест. 

Содржајност: Кога некој препишува, и препишува буквално, па дури и тогаш прави грешки, не можете да очекувате содржајност. Во овој случај имаме еден парадокс, бидејќи рецензираме новинарски текст, а, всушност, вреднуваме полициски извештај. Полициските извешати се такви: бирократски и сувопарни со најголем дострел во фактографијата. Од полицијата не можеме да очекуваме да пишува со новинарски стандарди, ама од новинарите е неопходно да добиеме вест која ја надградува информацијата и и дава новинарска димензија.

Пристрасност: Ако сакаме да бидеме строги, со оглед на тоа што ја нема потребната новинарска перцепција и дистанца, и бидејќи има само еден извор, можеме да кажеме дека овој текст е пристрасен.

Оригиналност/Плагијат: Оваа вест е комплетна копија на полициски извештај. Лошо препишана, неписмена, со граматички грешки.

Квалитет на насловот: Насловот е сензационалистички и апсолутно не одговара на содржината на веста, бидејќи од неа не може да се извлече заклучок каков што сугерира веста. Филмски никако, а вооружен – можеби, иако не знаеме со какво оружје.

Фотографија: Несоодветна, не е автентична и без информации за авторството. Освен тоа, таа е прилично вознемирувачка зашто пиштолот е свртен кон тој што чита.

Заклучок: За новинарските стандарди во оваа вест еве ја рецензијата, а за оние на публиката само уште една реченица: ваква вест како да има за цел да ја обезличи и неа. Да ја навикне на празен сензационализам, на искривена стварност за да ја доведе до степен да може да проголта ваков „медиумски“ продукт како розово апче. После тоа сѐ е лесно.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

точни наводи

делумно

infoVistinitostИЗВОРИ НА ИНФОРМАЦИИ

само еден извор: билтенот на МВР

официјални

релевантни

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

делумно прикажува вистина

нема извртување на вистина (спин)

нема лажни информации

не аплиактивно

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

целосна копија

ненаведен автор

infoVistinitostКВАЛИТЕТ НА НАСЛОВОТ

некреативен

сензационален

несоодветен

тенденциозен

infoVistinitostФОТОГРАФИЈА

има

несоодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

средно читлив

неквалитетни мултимедијални елементи

нема контекстуални линкови

стилски неуреден

неповрзан со тагови

Една мисла во “Рецензија: Филмски и вооружен грабеж во „Кам маркет“ во Скопје

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести