Рецензија: Еве до каде дотурка сценариото на Заев: Ермира Мехмети бара Албанец за премиер!
Објавено во Рецензии
on 16 - 03 - 2015 Автор: Зоран Бојаровски
Насловот на медиумската содржина што ја рецензираме објавува и најавува којзнае каква ерес, иако, дури и да го земеме како факт ставот на пратеничката Ермира Мехмети, изнесен на нејзиниот приватен профил на една социјална мрежа, новинарот и медиумот, нема никаква професионална основа да се осуди тој став на таков начин. Зашто, според врвниот принцип на етичност и на професионалност во своето работење, треба да се почитува ставот од преамбулата на Кодексот на новинарите кој нагласува дека:
Следејќи ја својата улога во градењето на демократијата и на цивилното општество, новинарите ќе ги бранат човековите права, достоинството и слободата, ќе го почитуваат плурализмот на идеите и на ставовите, ќе придонесуваат за јакнење на правната држава и во контролата на власта и на другите субјекти од јавниот живот.
Линк до оригиналниот напис: Еве до каде дотурка сценариото на Заев: Ермира Мехмети бара Албанец за премиер!
Датум и време на објавување: 11.03.2015 14:20
Датум на рецензирање: 14.03.2015
Рецензент: Зоран Бојаровски
Навистина нема никакви елементи да биде изведен таков наслов, каков што е изведен од ставот на пратеничката Ермира Мехмети. Тоа е нејзина лична процена на ситуацијата и мислење кое нема зошто да се доведува во контекст на некаква ерес или на нешто што нè „дотуркало“ до некаква можност која е незамислива или која треба да ни втера страв во коски.
За да ја поткрепат тезата од насловот, авторот и медиумот ја дополнуваат со слични ставови на уште двајца проминентни политичари од постар датум за да ги засилат линиите на рамката која таквите изјави треба да ги обои како апсолутно неприфатливи.
Тој тип на отворено и настојчиво врамување ја прави оваа медиумска содржина политички пристрасна, што е во судир со членот 14 од Кодексот на новинарите:
Известувањето од политичките процеси, особено од изборите, треба да биде непристрасно и избалансирано. Новинарот мора да обезбеди професионална дистанца од политичките субјекти.
Еден од најголемите политичари на 20 век, Винстон Черчил, рекол дека треба да си храбар за да искажеш политички став, но исто толку храброст треба да имаш и за да го чуеш тој политички став.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
повеќе извори
еднострани
СЕОПФАТНОСТ
несеопфатнo
нема прикриени информации
ПРИСТРАСНОСТ
целосно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови