Рецензија: Експерти: Стравот на Заев од избори ги урна преговорите
Објавено во Рецензии
on 15 - 06 - 2015 Автор: Оливера Војновска
Овој текст просто натежнува од пристрасност и од тенденциозност. Тој остава впечаток како да е правен со однапред зацртана цел да го обвини лидерот на опозицијата дека ги „минирал“ разговорите во Брисел (10 јуни 2015 година), бидејќи, наводно, се плашел од изборно соочување. Веројатно и изборот на двајцата аналитичари е направен за да ја потврдат ваквата теза, при што нивното мислење се предимензионира како да е во прашање став на целата експертска јавност. А, тоа се прави уште со претенциозниот наслов: „Експерти: Стравот на Заев од избори ги урна преговорите“, со кој фактички се манипулира публиката.
Линк до оригиналниот напис: Експерти: Стравот на Заев од избори ги урна преговорите
Датум и време на објавување: 11.06.2015
Датум на рецензирање: 12.06.2015
Рецензент: Оливера Војновска
НА ИСТА ЛИНИЈА СО ПРЕМИЕРОТ
Написот користи прецизни извори на информации, но тие се еднострани. И двајцата експерти се познати по своите критички настапи кон опозицијата, па добар дел од јавноста не ги доживува како објективни.
Нивните ставови искажани во текстот се совпаѓаат со изјавата на премиерот, дадена по 12-часовните разговори на македонската лидерска четворка со посредништво на еврокомесарот Јоханес Хан во Брисел.
„Заев ниту сакаше да постигне договор, ниту пак дојде до тоа. Човекот не дојде да се договори, туку дојде да не се договори. Се плаши од избори. Знае дека на наредните избори ќе доживее тешко фијаско, ќе го доживее најголемиот пораз на СДСМ во историјата. Ни договор сака да постигне, ни избори сака да има…“
„… Тој сакаше да не се постигне договор. Прво за да не оди на избори, и второ колку што може повеќе штета да направи за економијата на државата…“
„…Атмосферата што ја градеше последниве денови укажуваже дека не сака да постигне договор..Брифинзите што ги пуштаа, интервјуата што ги даваше укажуваа дека ќе оди на таква варијанта за да не дојде до договор…“
„…Да беа точни тие шпекулации, меѓу кои и оваа за техничка Влада, вечерва ќе имавме договор. Зошто немаме договор? Затоа што сите шпекулации кои ги добивавте од страна на СДСМ беа неточни“ (Груевски)
Во текстот што го рецензираме, Каракамишева и Мирчев, всушност, само ги повторуваат ваквите критики на Груевски, адресирани до Заев.
НАГЛАСЕНА ПРИСТРАСНОСТ
Очигледно е дека во ова необјективно четиво не била планирана втората страна на приказната. Затоа воопшто не се споменува изјавата од претседателот на социјалдемократите, или, пак, соопштението од СДСМ. Па, публиката не може да прочита што вели опозицијата за неуспехот на преговорите во Брисел. А, според СДСМ:
„Не е задоволен условот за суштинското прашање околу отворањето преговори, организирање Влада што нема да ја предводи Никола Груевски“
Текстот е зачинет и со коментаторски елементи – протнати како мислења на експрети. Тој е политички некооректен, осмислен и пласиран за да ѝ наштети на опозицијата и на нејзиниот лидер. Намерата за дискредитација се забележува на самиот почеток и таквиот дух го задржува до последната реченица.
Гледано од професионален аспект, единствена светла точка се фотографиите со кои е илустрирана оваа пристрасна медиумска содржина, во која затаиле принципите на етички исправното новинарство.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
2 извори
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
некреативен
несензационален
несоодветен
тенденциозен
ФОТОГРАФИЈА
има
соодветна
информира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
има контекстуални линкови
стилски уреден
поврзан со тагови