Рецензија: Џорџ Сорос стана сопственик на Млекара Битола?!
Објавено во Рецензии
on 9 - 02 - 2015 Автор: Зоран Бојаровски
Стереотипите се непријател на доброто новинарство. Во текстов е занемарено ова предупредување и потклекнато е пред еден од стереотипите што доминираат во медиумски исконструираната реалност кај нас, оној за милијардерот и филантроп Џорџ Сорос. Со тоа е изместен фокусот на сторијата и наместо сторија за придобивките од оваа наводна финансиска зделка, на публиката ѝ се нуди стереотипизирана содржина.
Линк до оригиналниот напис: Џорџ Сорос стана сопственик на Млекара Битола?!
Датум и време на објавување: 03.02.2015, 15:11
Датум на рецензирање: 06.02.2015
Рецензент: Зоран Бојаровски
Наместо авторот на содржината да се позанимава посеризоно со вистинитоста на сторијата за компанија која ни е тука, во соседството, тој ни ги пренесува шпекулациите од некој друг медиум. Навистинна, дали е потребно којзнае каква креативност за да се сетите дека можете да свртите телефон во Битола и да добиете информација од прва рака. Или, од компанијата од Србија, во чија сопственост е мнозинскиот пакет акции на битолската млекарница.
Но, наместо тоа, наместо сеопфатност на пристапот, авторите се задоволиле со тоа да ја пренесат информацијата од медиум од соседството, а да се задоволат со истакнување на контроверзиите и на стереотипите за Џорџ Сорос, кои, во принцип, ги креираат медиумите блиски до актуелната владејачка гарнитура.
За жал, заради овој тип подвладување на стереотипите, оваа медиумска содржина нѐ упатува на анализата „Медиумите треба да го препознаат профилирањето“, на професорката Мирјана Најчевска, која предупредува:
„По дефиниција, профилирањето значи употреба на одредени карактеристики или обрасци на однесување и на постапување, за генерализирање, обопштена оценка за одредена личност. Од едната страна на профилирањето е индивидуата која се сместува во одредена рамка, а од другата страна е оној кој го дефинира сопственото однесување кон таа индивидуа, токму врз основа на рамката во која е сместена.“
Понатаму во анализата се елаборира дека профилирањето е непосредно поврзано со етикетирање и/или стигматизирање и дека симплифицирањето на карактеристиките што ја определуваат одредена личност, а што често се базира на стереотипи, ја отвора вратата на предрасудите и на дискриминацијата или говорот на омраза.
Тоа, овој медиум, со ваков текст, не го препознал.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
ПРИСТРАСНОСТ
не може да се утврди
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови