Дознајте кој личи на вас кога ќе го погледнете в лице, а не по некој број во личната карта
Објавено во Рецензии
on 7 - 07 - 2015 Автор: Владо Ѓорчев
[Рецензија: Дознајте колку луѓе личат на вас според контролниот број на личната карта]
Овој текст неколку месеци се појавува низ македонските медиуми. Тој на ниту едно место не е критички опсервиран, туку се пласира информација која тешко може да се каже дека е вистинита. Сепак, написот и понатаму се преобјавува, а нема ниту изјава од надлежна институција што ќе каже дали е тоа точно или не. Вака останува да биде само напис кој служи за замајување на јавноста.
Линк до оригиналниот напис: Дознајте колку луѓе личат на вас според контролниот број на личната карта
Датум и време на објавување: 03.07.2015, 14:22
Датум на рецензирање: 06.07.2015
Рецензент: Владо Ѓорчев
„Еден од броевите што се наоѓаат на вашата биометриска лична карта открива колку луѓе од вашата земја имаат слично лице како вашето“, пишуваат српските медиуми.
Во овој пасус, всушност, се наоѓа и главната вест на текстот. Во него, пак, никаде нема ијзава, на пример, од Министерството за внатрешни работи (МВР), во чија надлежност е издавањето лични карти и да се праша за коментар околу тврдењето кое, според овој напис, е преземено од странски медиуми. Нема критички осврт, нема разговор со некој аналитичар. Само гола преведена вест и оставена без дополнителна обработка.
Тоа што е најбитно за да се разобличи оваа невистина, секако, се законите. А во Законот за лична карта, во член 5, стои:
„Образецот на личната карта содржи: натпис „Република Македонија“, назив „лична карта“, натпис „MKD“, место за фотографија, грб на Република Македонија и машински читлив дел.
Во образецот на личната карта се запишуваат следниве податоци: презиме и име на граѓанинот; државјанство; пол; датум на раѓање; матичен број на граѓанинот; датум на издавање на личната карта; датум на важење на личната карта; место на раѓање на граѓанинот; живеалиште и адреса на граѓанинот; надлежен орган кој ја издал личната карта; број на личната карта и потпис на имателот на личната карта.“
Значи, ова е валиден доказ за тоа што има на лична карта, а тука не пишува дека некоја бројка значи колку луѓе имаат слично лице со нашето. Сè друго е гола шпекулација.
Ова е текст кој нема голема важност во новинарството. Има цел да пополни празно место и ништо повеќе. Затоа и така треба да се третира. Како вишок.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
делумна копија
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови