Рецензија: АПСЕЊЕ: Уапсен И.Д.
Објавено во Рецензии
on 17 - 11 - 2014 Автор: Викторио Јаковлески
Не секогаш една содржина треба да биде објавена, особено ако таа нема информација во себе. Така, кога работи „новинарството“„копи-пејст“, можеби се создава квантитет и се исполнува нормата на создадени текстови, но тогаш веќе за квалитет не може да се зборува. И не само што не може да стане збор за квалитет, во конкретниот случај не може да стане збор ни за новинарски производ. Ако се пласира на некој од медиумите, а не е новинарски производ кој содржи информации, тогаш чуму објавата?
Линк до анализираниот напис: АПСЕЊЕ: Уапсен И.Д.
Датум и време на објавување: 30.1 2014, 12:25
Датум на рецензирање: 12.11.2014
Рецензент: Викторио Јаковлески
Конкретната објавена содржина (не може да се говори за информација) е дел од дневниот билтен на МВР, односно од „Извадокот на дел од дневните настани“.
Ова е интегралната форма на делот од Билтенот на МВР кој буквално е пренесен во медиумот:
„На 28.10.2014 година, постапувајќи по судска наредба, СВР Скопје го лиши од слобода лицето Исмаил Д.(36), од Скопје кој се барал за издржување затворска казна во траење од шест месеци , за сторено кривично дело “ тешка кражба” . Истиот е спроведен во Затвор „Скопје“.“
Објавеното се разликува само и единствено по тоа што името кое фигурира во билтенот на МВР е заменето со иницијалот „И“. Ваквата содржина во билтенот има смисла, поставена на електронски медиум – нема смисла! Ако еден новинарски напис претендира кон групата информативни жанрови, треба да се темели на факти за да ја оправда својата основна намена – да го информира читателот.
Ако биле пренесени и други извадоци од билтенот и ако се напишел изворот, може и ќе можеше да помине, ама вака се губи потребата од постоење на ваков текст.
Објавеното е идентично со, на пример, следните зборови: „таму некој нешто направил“, а тоа не е информација и не содржи никаков вредносен минимум.
Затоа и кога се копира, до буква, до запирка, треба да се има усул, во спротивно се доаѓа до ваков производ, кој веќе неколку дена служи за потсмев меѓу новинарите на социјалните мрежи.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
целосна копија
ненаведен автор, ненаведен извор
КВАЛИТЕТ НА НАСЛОВОТ
не информира
некреативен
сензационален
несоодветен
нејасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови