Професорот Калајџиев на „тапет“
Објавено во Рецензии
on 20 - 05 - 2016 Автор: Владимир Мирчески[Рецензија: Личност на неделата: Несудена Катица]
Ако коменатрот го ставите во категоријата вести, тоа не значи дека по автоматизам текстот ќе стане вест. Не, коментарот ќе си остане коментар. Тоа е исто како да се надевате дека ако пуштите волк во трло со овци, тој наместо да завива ќе почне да блее.
Линк до оригиналниот напис: Личност на неделата: Несудена Катица
Датум и време на објавување: 16.05.2016
Датум на рецензирање: 17.05.2016
Рецензент: Владимир Мирчески
КОМЕНТАРОТ „ЗАВИВА“ И КОГА Е МЕЃУ ВЕСТИТЕ
Една мана, ама, сериозна… Пуштен е коментар онаму каде што не му е местото.
Новинарот треба да прави разлика меѓу фактите и мислењата, меѓу веста и коментарот – член 13 од Кодексот на новинари
Оваа разлика во дадениот случај не е направена. Се претопуваат ставовите, претпоставувам лични, со информацијата, иако малку застарена, дека позната јавна личност, професор од Правниот факултет, активно учествува на протестите на „Шарената револуција“, што подарзбира дека и тој зема боја в раце и ги „фарба“ објектите од „Скопје 2014“. Самиот факт дека станува збор за „бајата“ случка, потврдува дека текстот не може да го има предзнакот „вест“, за што говори и употребениот пристап. Тој е коментаторски, но со елементи на анализа на претходна ситуација, кога името на професорот се вртеше како можно решение за специјален јавен обвинител, пред воопшто на таа позиција да биде избрана Катица Јанева. И, оттука тргнува „лавината критики“ на сметка на правниот експерт.
Споменатиот воопшто не е поштеден, му се забележуваат неколку работи. Прво, дека пледирал да биде на чело на СЈО, второ дека со учеството во протестите „ги прекршувал законите што самиот ги пишувал“. Прашањето е од која позиција се критикува професорот, па јасно е дека од коментаторска.
„Наместо да се бламира подобро ќе беше да си поднесе оставка од функцијата. Она што е уште потрагично е што тој е професор по право, а самиот го крши правниот систем.“
„Е да, професоре, за бламот се работи. И за кршењето на правниот систем. И за трагедијата дека професор по право. Но нејсе, чиј е бламот негова е и одговорноста. Туку, интимно за крај, маичка СЈО носиш под тогата?“
Сепак, можеби најнекоректен сегмент е почетокот каде се прави своевидна лична карта на професорот, повеќе во стилот на полициска белешка, отколку на медиумско четиво.
„Роден: 10.1.1962 г. во Скопје
Образование: угледен професор
Хоби: Катица на улица
Политичка определба: хулиган
Интимна облека: СЈО маичка“
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
делумно
ИЗВОРИ НА ИНФОРМАЦИИ
има евидентирани извори
официјални
релевантни, нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
целиот текст е коментар
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
дезинформира
креативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
делумно стилски уреден
поврзан со тагови