Виорење на национално знаме не е провокација
Објавено во Рецензии
on 20 - 05 - 2016 Автор: Ана Анастасовска
[Рецензија: СЕ СПРЕМА ПРОВОКАЦИЈА НА ФУДБАЛСКИ НАТПРЕВАР: Пола Тетово доаѓа во Скопје да го развиори албанското знаме како провокација!]
Овој текст, кој во насловот информира за некаква си провокација со истакнување на џиновско албанско знаме на фудбалски натпревар, всушност, самиот е провокативен и поттикнува на национална дискриминација, што е спротивно на новинарските правила и стандарди.
Линк на оригиналниот напис: СЕ СПРЕМА ПРОВОКАЦИЈА НА ФУДБАЛСКИ НАТПРЕВАР: Пола Тетово доаѓа во Скопје да го развиори албанското знаме како провокација!
Датум и време на објавување: 16.05.2016
Датум на рецензирање: 20.05.2016
Рецензент: Ана Анастасовска
ПОТПАЛУВАЊЕ
„Се спрема провокација на фудбалски натпревар: Пола Тетово доаѓа во Скопје да го развиори албанското знаме како провокација!“. Ваков наслов во новинарски професионален текст е недозволив. Прво, во насловот, а и во текстот подолу, се зборува за настан кој би се случил во иднина. Значи, немаме информација, немаме вест, туку претпоставка. Понатаму, мора да се нагласи дека виорењето национално знаме на фудбалски натпревар не е ниту недолично, ниту спротивно на фудбалските правила, па оттаму и не може да се тврди дека тоа е некаква провокација.
Во Македонија постои Закон за спречување на насилството и недостојното однесување на спортските натпревари со кој се уредуваат прашањата што се однесуваат на насилството и на недостојното однесување на спортските натпревари, мерките за нивно спречување заради безбедност на гледачите, натпреварувачите и другите учесници во спортските натпревари, како и обврските на организаторите и овластувањата на надлежните органи за спроведување на тие мерки.
Според овој Закон, под насилство и недостојно однесување на спортските натпревари, во делот на употребата на знамиња, се смета:
Внесување и истакнување на транспаренти, знамиња и други предмети со текст, слика, знак или други обележја, како и пеење на песни или дофрлување пораки кои предизвикуваат и поттикнуваат омраза или насилство врз основа на расна, национална и верска припадност или врз основа на други особини.
Оттука, не може да се каже дека виорењето национално знаме предизвикува омраза, бидејќи тоа е национален симбол на албанската заедница, која е втора по големина во Македонија. На стадионите никогаш и никаде не било забрането веење на национални знамиња.
„Инаку истакнување на џиновско знаме на Албанија нема да биде првпат од страна на навивачите на Шкендија, кои истото го сторија и во квалификациите за ЛШ пред пет години против белградски Партизан, а и во минатото на дуели на својот тим во Првата лига во Тетово.“
Воопшто, нема да биде првпат на трибини да биде истакнато џиновско национално знаме. Тоа го правеле и македонски навивачи.
Очигледно е дека со овој напис се сака да се провоцира и можеби да се поттикне национална дискриминација, што е спротивно на новинарските правила и стандарди. Кодексот за новинари, во членот 10 јасно пропишува дека:
Новинарот нема свесно да создава ниту да преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и дискриминација по која било основа (национална, верска, расна, полова, социјална, јазична, сексуална ориентација, политичка…).
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
друга пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
дискриминира
национална дискриминација
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови