Пример за тоа како не се пишува вест
Објавено во Рецензии
on 24 - 10 - 2015 Автор: Adrian Kerimi
[Рецензија: Фатмир Дехари го критикува министерот на ДУИ и Владата!]
Недостигот од структура во веста, прави таа да биде многу нејасна за читателот. Следствено, тој не се информира правилно. Веста што ја рецензираме информира за едно прашање од голем интерес за јавноста, но како таква, таа е празна и на јавноста не ѝ ги нуди потребните елементи за таа на крај да биде информирана како што треба.
Линк до оригиналниот напис: Фатмир Дехари го критикува министерот на ДУИ и Владата!
Датум и време на објавување: 14.10.2015
Датум на рецензија: 16.10.2015
Рецензент: Aдриан Керими
Насловот е многу општ и имајќи го предвид тоа што подолго време се пишува по медиумите, читателот добива впечаток како веста да зборува за нешто друго. Всушност, се чини дека тоа била и намерата на авторот.
Текстот создава забуна бидејќи читателот не сфаќа во каква конотација известува новинарот.
„Во текот на вчерашниот ден, по еден состанок, градоначалникот на Општина Кичево од редовите на ДУИ, Фатмир Дехари, го обвинил министерот за образование, Абдилаќим Адеми и Владата, каде што учествува и неговата партија, известува Алмакос.“
Ова е единствениот текст што го придружува видеозаписот (кој е главниот извор на информацијата на овој напис), но не се наведува за што станува збор, кои се обвиненијата и зошто се направени тие. Исто така, авторот не информира во каков контекст се направени овие обвиненија, при што Фатмир Дехари се изјаснил за овој проблем.
Освен тоа што нема структура, веста е и еднострана. Јавноста би сакала да знае кој е ставот на другата страна во врска со обвиненијата кон споменатите лица. Ако Дехари претендира дека голем дел од одговорноста паѓа врз Владата и врз Министерството за образование како резултат на лошото управување, важно е да се дознае и нивниот став и да се објаснат причините за таквата ситуација.
Исто така, недостига и „бекграунд“ како важен дел на веста. Требаше да се понуди подетална информација за функционирањето на неколку училишта со блокирани жиро-сметки во Кичево и за тешкотиите со кои се соочуваат, поради кои и се направени овие критики.
Новинарот би требало да објасни дека критиките на Дехари кон Адеми се поради недостигот од средства наменети од Министерството за образование за локалната власт во Кичево, односно за училиштата. Со ова дообјаснување на јавноста би ѝ се ставило до знаење дека спорот помеѓу двете спомнати лица не се однесува на актуелната ситуација во Демократската унија за интеграција.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
нема евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
не може да се утврди
не може да се утврди
наклонетост
друга пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
не информира
некреативен
несензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
неквалитетни мултимедијални елементи
има контекстуални линкови
стилски неуреден
неповрзан со тагови