Политичко поентирање без факти
Објавено во Рецензии
on 23 - 12 - 2015 Автор: Ана Анастасовска[Рецензија: СДСМ во очај ја извртува мерката на Владата за куќите за млади]
Овој материјал е класичен пример за политичко поентирање и напад кон противникот без никакви факти и аргументи. Уште во самиот вовед на текстот, исто како и во насловот, се најавува дека опозицијата на секој можен начин се обидувала преку социјалните мрежи и медиуми блиски до неа, да го оцрни проектот на Владата „Купи куќа за млади“. Написот му ја наметнува ваквата слика на читателот без да му ги презенетира доказите за својата теза.
Линкуван наслов на анализираниот напис: СДСМ во очај ја извртува мерката на Владата за куќите за млади
Датум и време на објавување: 18.12.2015
Датум на рецензирање: 22.12.2015
Рецензент: Ана Анастасовска
ФЕЈСБУК КАКО РЕЛЕВАНТЕН ИЗВОР
„Со очајни обиди СДСМ се обидува да манипулира дека месечните примања на поединецот кој сака да аплицира за овој проект треба да бидат над 900 евра. Како што вчера беше соопштено, според условите месечните примања на поединецот НЕ треба да надминуваат 900 евра.“
Иако не е наведено на што и на кого конкретно мисли авторот, најверојатно е дека зборува за постот на Јани Макрадули, во кој тој го критикува новиот владин проект. Но, она што се наметнува како дилема е дали Макрадули зборел во свое име или во име на партијата, бидејќи во текстот се нагласува дека „со очајни обиди СДСМ се обидува да манипулира“.
Понатаму останува нејасно на кои социјални мрежи и какви тоа активности се шират за да се изврти владината мерка. Кои се медиумите блиски до опозицијата? Ништо од тоа не е наведено во текстот. Новинарот го убедува читателот во нешто за што не се приложени докази.
„СДСМ уште еднаш докажа дека манипулациите и деструкциите се потврда за немањето на програма и понуда на проекти за граѓаните. Наспроти ваквите очајни обиди на опозицијата, по социјалните мрежи веќе се шират коментари дека ако Владата продолжи со вака СДСМ може да стане и вонпарламентарна партија.“
И повторно социјалните мрежи се во фокусот на текстот и повторно се зборува за коментари кои ги нема никаде. Нејасно е зошто толку се дава на тежина на социјалните мрежи и истите се наведуваат како релевантен фактор или извор кога повеќе од јасно е дека на социјалните мрежи секој може да напише што сака, а тоа сепак да не е партиски став или уредувачка политика на некој медиум.
„Дополнително по објавување на овој проект на Владата, Фејсбук беше преплавен со позитивни коментари во насока дека токму овој проект ќе им овозможи решавање на животното прашање и формирање на свој дом и семејство.“
Целиот текст, практично, е базиран на рекла-кажала, што не остава впечаток дека наводите се веродостојни. Овој материјал повеќе наликува на партиско соопштение, отколку на новинарски напис. Новинарството, пак, подразбира точни и проверени информации, кои ќе му се пренесат на читателот за што тој самиот ќе суди, а не читателот да се убедува во ставовите на авторот. За тоа постојат колумни.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
повеќе извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
солидни мултимедијални елементи
нема контекстуални линкови
делумно стилски уреден
поврзан со тагови