Политизација на политизацијата на аерозагадувањето…
Објавено во Рецензии
on 23 - 12 - 2015 Автор: Marta Ziba[Рецензија: „Дали се политизира аерозагадувањето?!”]
И овојпат се работи за една вест што треба да се смести во рубриката за коментари, но, сепак, стои во рубриката за вести. Авторот на овој текст го пренел својот став во врска со аерозагадувањето, коментирајќи при тоа за партиите што излегле за да го подржат протестот против истото. Новинарот сакал да докаже дека протестите против аерозагадувањето се употребуваат за политички цели, но не го направил тоа како што треба. Тој на директен начин си дал право да оцени дека партиите собираат политички поени врз грбот на граѓаните, чија иницијатива е чиста.
Линк до оригиналниот напис: Дали се политизира аерозагадувањето?
Датум и време на објавување: 16.12.2015
Датум на рецензирање: 21.12.2015
Рецензент: Ферикан Илјази
„Најавите за масовни протести за во четврток и петок во Тетово, ги поттикнаа и политичките партии преку прес конференции да ја изразат својата подршка за овие протести. На ова се гледа како заложба на овие политички партии во две насоки: од една страна, подршка за протести во врска со еден навистина важен проблем во животот на граѓаните; и од друга страна, придобивка за некој предизборен политички поен.“
Авторот смета дека само прес-конференциите на повеќето од опозициските партии, кои имаат задача да реагираат против погрешните владини политики, се доволен показател за да се потврди со сигурност дека опозициските партии го политизираат аерозагадувањето.
„Се забележуваат тенденции за политизирање на овој проблем, затоа што некои опозициски партии веднаш одржаа прес конференции, гледајќи на сето ова како на момент за нивно промовирање, иако за овој проблем досега се залагале само здруженијата на граѓаните кои со голема одговорност алармирале за ситуацијата со аерозагадувањето во Тетово.“
Новинарот станува и политички аналитичар при што прави забелешки дека добивањето политички поени врз грбот на граѓаните не е добра практика.
„Во овој случај залагањето на граѓанските сублекти за проблемот со аерозагадувањето е многу важно, затоа што овој проблем допира до сите граѓани без разлика на која политичка партија припаѓаат, и не би било добро овој акутен проблем за граѓаните да се злоупотреби за политички поени. Настапот на политичките партии може да го политизира овој проблем и да нема за цел негово решавање.“
Загриженоста на новинарот е оправдана затоа што вакви искуства каде што се политизираат граѓанските иницијативи имало и порано, но начинот на кој го „средил“ текстот не е прифатлив. Сите овие коментари слободно можеле да ги дадат аналитичари, граѓани, па и самите невладини организации кои се организатори на овие протести. Сè друго што напишал новинарот губи вредност. Во член 13 од Етичкиот кодекс на новинарите во Македонија, кој треба да се почитува од сите што се занимаваат со новинарство, пишува: „Новинарот треба да прави разлика меѓу фактите и мислењата, меѓу веста и коментарот”
(Од Сервисот за проверка на факти од медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
друга пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови