Партиски став и новинарски текст, не е исто
Објавено во Рецензии
on 14 - 03 - 2016 Автор: Владимир Мирчески
[Рецензии: Медиумите блиски до СДСМ, а финасирани од Сорос не ја кажуваат вистината]
Текст со неавторска содржина „крунисан“ со авторски наслов. Станува збор за непринципиелен микс на чисто партиско соопштение со, повеќе или помалку, новинарски искована насловна конструкција.
Линк до оригиналниот напис: Медиумите блиски до СДСМ, а финасирани од Сорос не ја кажуваат вистината
Датум и време на објавување: 09.03.2016 13:10
Датум на рецензирање: 10.03.2016
Рецензент: Владимир Мирчески
ПАРТИСКО СООПШТЕНИЕ СО АВТОРСКИ НАСЛОВ
Имаме партиско соопштение безмалку пренесено од А до Ш, без каква било вистинска новинарска интервенција. Во ред, би можело да помине така, ако, пред сè, насловот бил поинаку конструиран. Попрецизно, формулиран е како да е наод, заклучок на тој што го пишувал текстот, демек е резултат на некакво истражување: „Медиумите блиски до СДСМ, а финасирани од Сорос не ја кажуваат вистината“.
Но, написот нема ништо авторско бидејќи е само изрецитирано партиско соопштение. Значи, нема вистинска професионална ангажираност, отворање тема, проверка, консултирање разни извори, споредба на информации и, секако, давање одговор. Напротив, станува збор за папагалско повторување на тоа што било напишано во партискиот центар за комуникации на владејачката партија. Затоа и не треба над написот, ако може така да се нарече, да стои таков наслов, бидејќи публиката се доведува во заблуда дека тврдењето е поткрепено и аргументирано. А, всушност, станува збор за партиска пресметка со одредени медиуми и чисто партиска констатација дека некој е близок до некого и дека не ја кажува вистината.
Не треба да се изуми и несоодветната фотографија на која се гледаат грст микрофони на домашни медиуми. Фотката искомбинирана со насловот создава лажна слика дека токму тие медиуми се можеби т.н. опозициски гласила. Тој што го пренел партиското соопштение требало да најде начин за да се огради од неговата содржина. Поточно, сè ќе било поедноставно ако во насловната конструкција пред „Медимите блиски до СДСМ, а финансирани од Сорос не ја кажуваат вистината“, се ставело „ВМРО-ДПМНЕ: … “. Така, ќе се знаело кој навистина стои зад тоа тврдење и читателите не би имале каква било дилема веќе од самиот наслов да ја насетат содржината на понуденото и што да очекуваат од него. Вака, некој фрлил јадица за јавноста да се навлече и да прочита партиски став.
А, партиски став не е исто со новинарски текст.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
нема прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови