Текст со погрешен наслов
Објавено во Рецензии
on 14 - 03 - 2016 Автор: Симона Атанасова
[Рецензија: ПРВА ЖРТВА ОД ПОПЛАВИТЕ ВО СРБИЈА – Се удави маж во Ѓаковица]
Написот што е предмет на анализа има погрешен наслов. Во него се вели дека првата жртва на поплавите во Србија бил маж од Ѓаковица, а, всушност, градот Ѓаковица не се наоѓа во Србија, туку во друга држава – Косово.
Линк до оригиналниот напис: ПРВА ЖРТВА ОД ПОПЛАВИТЕ ВО СРБИЈА – Се удави маж во Ѓаковица
Датум и време на објавување: 07.03.2016
Датум на рецензирање: 11.03.2016
Рецензент: Симона Атанасова
ЃАКОВИЦА Е ОПШТИНА ВО КОСОВО
Иако насловот е погрешен, подолу во текстот стои така како што треба, дека првата жртва е од Косово, од селото Дол во Општина Ѓаковица.
Во слободната енциклопедија „Википедија“ е наведено дека:
Ѓаковица е град и седиште на Општината Ѓаковица во Југозападно Косово, во непосредна близина на границата со Албанија. Сместен е во најнискиот дел на Метохиската Котлина, опкружен со долините Бел Дрим, Рибника, Крене, Мируше, а над градот се надвисуваат врвовите Проклетие, Паштрик, Коритник.
Освен погрешниот наслов, во написот ја има фразата „пишуваат српските медиуми“, но нема цитат од напишаното во медиумите, ниту линк од објавите.
За смртта на човекот кој се удавил, во текстот има потврда од портпаролот на Општина Ѓаковица, но не е напишано неговото име, па не се знае дали оваа потврда е валидна.
Спорна во текстот е и фотографијата, која нема никаква атрибуција ниту, пак, се знае дали е од поплавите што деновиве ги погодија Србија и Косово или е од некои други поплави, можеби и на друго место.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
неофицијални
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
неточна информација во насловот
не аплиактивно
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
несензационален
несоодветен
нејасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови