Од еден транспарент против лидерот на опозицијата не се носат заклучоци
Објавено во Рецензии
on 23 - 11 - 2016 Автор: Димитар Тануров
[Рецензија: ФОТО: Заев не е добредојден во Кавадарци – „ОДИ СИ“]
Написот е едностран, наведувачки и прави генерализација без притоа да понуди уверливи и подетални информации за „случката“ за која известува. Овој текст, онака како што е конструиран, не ги исполнува основните новинарски стандарди за објективно и точно информирање.
Линк до оригиналниот напис: ФОТО: Заев не е добредојден во Кавадарци – „ОДИ СИ“
Датум и време на објавување: 18.11. 2016
Датум на рецензирање: 22. 11. 2016
Рецензент: Димитар Тануров
ГЕНЕРАЛИЗАЦИЈА
„Кавадарци кој е дел од изборната единица 4 каде носител на пратеничката листа од СДСМ е Зоран Заев, денес му порача на лидерот на опозицијата дека не е добредојден во градот“.
Самиот влез на написот е коментарски и генерализира дека целиот град е против лидерот на СДСМ. Ставот што му се наметнува на читателот, всушност, се влече само од еден транспарент за кој не се знае кој го поставил. Можеби, на пример, станува збор за активисти на владејачката партија. Но, тоа не е проверено во ВМРО-ДПМНЕ за да се утврди дали е во прашање некаква предизборна партиска герила-акција.
Според својот жанр, написот претставува фото-вест. Меѓутоа, и во ваквите вести, иако самата фотографија ја содржи информација, не е дозволени да се влечат генерализирани заклучоци, а особено не смее да се дава политички тон на веста. Ова се коси со стандардите на етички исправното новинарство кои, меѓу другото, налагаат: веста да биде точна и целосно проверена, да се прави разлика меѓу фактите и мислењата, веста и коментарот, како и да се обезбеди професионална дистанца од политичките субјекти, при што известувањето од политичките процеси, особено од изборите да биде непристрасно и избалансирано (членовите 1 , 13 и 14 од Кодексот на новинарите).
Вака поставената информација, пак, остава впечаток дека има единствена цел, ставовите на одредена група (партија) да се прикажат како доминатно мислење – расположение во еден град (општина), во конкретниот случај Кавадарци.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
има евидентирани извори
анонимни
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
политичка дискриминација
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
поврзан со тагови