Обид со извадок да се смали целото
Објавено во Рецензии
on 23 - 03 - 2016 Автор: Александар Писарев[Рецензија: Пропаднаа тезите на СДСМ за фантомски гласачи]
Текстот што го рецензираме кај читателот отвора дилема дали сите гледаме во истиот избирачки список, оти деновиве едни исти бројки едните ги гледат како шестцифрени, а другите како трицифрени. Потребно ли е утврдување на нечија диоптрија заради земање соодветни очила или зад некои интерпретации стои тенденција?
Линк до оригиналниот напис: Пропаднаа тезите на СДСМ за фантомски гласачи
Датум и време на објавување: 17.03.2016 17:20
Датум на рецензирање: 21.03.2016
Рецензент: Александар Писарев
МИНИМИЗИРАЊЕ НА ВИСТИНАТА ПРЕКУ ЛАГИ
Во центарот на интересот на сите граѓани овие денови е избирачкиот список и неговата точност. Откако Државна изборна комисија (ДИК) уште во првите најави за резулатите од неговата проверка излезе со бројка од речиси 500.000 спорни гласачи што треба дополнително да се проверат, се појави многу силен сомнеж за изборните резултати. Во целата ситуација, се појавија голем број статии со кои се побрза да се ревидираат податоците, за да се убедат граѓаните дека бројките изнесени од ДИК се неточни. Во таквите статии, исто така, се гледа обидот јавноста да се убеди дека опозицијата е во паника. Таква тенденција провејува и во овој текст.
СОКРИВАЊЕ НА ФАКТИТЕ
За да биде што поубедлив, написот на читателите им нуди факсимили од внимателно и намерно избрана само една табела од презентираниот избирачки список, со помош на која се манипулира и се тврди дека се спорни само неколку стотини гласачи. Со тоа статијата се обидува да ѝ ја „затвори устата“ на опозицијата и да ги убеди граѓаните дека избирачкиот список е в ред, а опозициската партија СДСМ намерно прави опструкции, бидејќи нејзините тези за фантомски гласачи се пропаднати.
„Пропаднаа тезите на СДСМ за фантомски гласачи. Критериумите по кои со вкрстување требаше да се пронајдат евентуални двојни записи покажаа дека избирачкиот список е во голема мера пречистен. Па така, досегашната анализа покажала дека се идентификувани 203 случаи на записи во базата на МВР каде постои и друг запис со исто име, презиме, датум на раѓање и прва буква од татковото име. Идентификувани се 173 записи во дата базата на МВР каде постои и друг запис со исто име презиме датум на раѓање.“
ЧИТАТЕЛИТЕ НЕ СЕ НАИВНИ
Веднаш под текстот има коментар од читателка која поставува прашање зошто е избрана баш таа табела и упатува на линк каде може да се видат малку поинакви податоци, кои не одат во прилог на спинот што овој текст се обидува да го протурка.
Таа дава линк и прашува: „А зошто оваа табела не ја објавувате? Не е од СДСМ од ДИК е. Или од вкупно 31 табела ги одбравте баш тие каде има најмалку спорни. Убаво си пишува таму колку се“.
Текстот содржи недозволива манипулација и крајно отсуство на одговорност пред граѓаните, кои треба објективно да бидат информирани за прашањата од јавен интерес. Ако се сакало реално да се прикаже состојбата со избирачкиот список, тогаш написот, според Кодексот на новинарите на Македонија, не смее да се сокрива факти и да фалсификува документи. Напротив, требало да се изнесат комплетните податоци што ги соопшти ДИК: „Експертите на Државната изборна комисија (ДИК) во својата анализа констатирале дека сегашниот избирачки список е проблематичен за повеќе од 490.000 запишани гласачи“.
Вака како што е, текстот ги прекршува основните принципи на Кодексот на новинарите на Македонија и на граѓаните им презентира несодржаен и необјективен дел од изнесеното од ДИК.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
изнесен е само дел од сите бројки
неверодостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови