Непотребниот хумор ја намалува вредноста на информацијата
Објавено во Рецензии
on 23 - 05 - 2016 Автор: Adrian Kerimi
Напис: Дојде „Германецот“, лидерите ги наполнија гаќите
Специјалниот пратеник на Германија за Македонија и амбасадор во Виена, Јоханес Хајндл, денеска во 12 часот слетал на скопскиот аеродром, каде беше пречекан од германската амбасадорка, Кристин Алтхаузер. Во 15 часот е најавено дека Хајндл ќе се сретне со министерот Никола Попоски во Министерството за надворешни работи. Тој денеска и утре ќе престојува во Скопје, каде што ќе разговара и со претставници од четирите политички партии, потписници на Договорот од Пржино. Хајндл, како што извести германската амбасада, воземјава ќе има средби и со амбасадорот на САД, Џес Бејли, и со другите амбасадори од земјите на ЕУ.
[Рецензија: Дојде „Германецот“, лидерите ги наполнија гаќите]
Апсурдно е новинарот да употреби таков речник во жанрот на вестите. На што алудираат „наполнетите гаќи“, за јавноста е многу јасно, но едно не се знае – со каква цел се употребува таков понижувачки речник кон партиските лидери во една информативна содржина. „Новинарот сноси одговорност за јавно кажаниот збор“, е правило од Етичкиот кодекс. Во овој случај, содржината со таков наслов носи ризик од тужба за клевета, бидејќи може да се каже дека се врши повреда и загрозување на достоинството и интегритетот не на едниот, туку на четирите политички лидери…
„Специјалниот пратеник на Германија за Македонија и амбасадор во Виена, Јоханес Хајндл, денеска во 12 часот слетал на скопскиот аеродром, каде беше пречекан од германската амбасадорка, Кристин Алтхаузер. Во 15 часот е најавено дека Хајндл ќе се сретне со министерот Никола Попоски во Министерството за надворешни работи.
Линк до оригиналниот напис: „Дојде „Германецот“, лидерите ги наполнија гаќите“
Датум и време на објавување: 12.05.2016
Датум на рецензирање: 13.05.2016
Рецензент: Адриан Керими
Текстот, во суштина, е во ред, но професионалното новинарство функционира на таков начин што тој мора да го содржи тоа што го кажува насловот. Ова не е случај во овој текст, бидејќи во ниеден негов дел не е даден доказ за стравот на овдешните лидери од германскиот дипломат, за што се алудира во насловот.
„Тој денеска и утре ќе престојува во Скопје, каде што ќе разговара и со претставници од четирите политички партии, потписници на Договорот од Пржино. Хајндл, како што извести германската амбасада, во земјава ќе има средби и со амбасадорот на САД, Џес Бејли, и со другите амбасадори од земјите на ЕУ“.
Ова не е сè што не e во ред со текстот. Освен тоа што содржи една фотографија, чиј автор не е цитиран, написот нема свој автор. Значи, одговорност за ова непрофесионално дело не презема ниеден поединец, туку целата редакција. За да не биде ова доволно, под текстот е прикачен видеозапис од еден друг медиум, кој за да докаже дека тоа е ексклузивно, му поставил лого (натпис). Ова во професионалното новинарство не се толерира. Медиумот што го обезбедил видеозаписот, во овој случај е извор и мора да се цитира.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
нема евидентирани извори
официјални
1 извор
повеќестрани
СЕОПФАТНОСТ
несеопфатнo
ПРИСТРАСНОСТ
делумно прикажува вистина
извртување на вистина (спин)
не може да се утврди
КОМЕНТИРАЊЕ
има коментаторски елементи
Во насловот
ПЛАГИЈАТ
ненаведен автор
КВАЛИТЕТ НА НАСЛОВОТ
дезинформира
креативен
сензационален
несоодветен
Понижувачки
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
квалитетни мултимедијални елементи
нема контекстуални линкови
делумно стилски уреден
неповрзан со тагови