Нецитирањето на медиумот кога се пренесува вест е неетично
Објавено во Рецензии
on 1 - 11 - 2015 Автор: Fatlume Dervishi[Рецензија: „Касами: Работиме во насока на обединување на опозицијата„]
Како и за секое друго дело, и за новинарските написи, плагијаторството е недозволиво и претставува кршење на авторските права и на етичките норми. Но, не е нималку ретка појава. Целосното или делумното копирање на информативните материјали и нецитирањето на изворите се едни од почестите „пропусти“ на медиумите.
Линк до оригиналниот напис: Касами: Работиме во насока на обединување на опозицијата
Датум и време на објавување: 23.10.2015, 14:16
Датум на рецензија: 26.10.2015
Рецензент: Фатљуме Дервиши
Во период на изразена политичка криза, медиумите „трчаат“ по ексклузивноста на информациите, по постапките и по одлуките на политичките функционери што имаат разни јавни одговорности. Интервјуата секогаш се најдобриот начин за да се дознаат одредени информации и на новинарот што ги прави, му треба многу работа за да успее да создаде вреден новинарски продукт.
Во конкретниот случај, обработуваме една информација што е извлечена од едно интервју, за која медиумот сметал дека е вредна да се пренесе. Интервјуто не е направено од истиот медиум и авторот што ја преобјавил извлечената информација од целото интервју не го цитирал изворот или медиумиот што го направил интервјуто.
Овој потег се смета за плагијаторство и Новинарскиот кодекс го осудува тоа.
- Непочитување на авторски права се смета за грубо кршење на етичките правила.
- Доколку информацијата е преземена или парафразирана од друг медиум, авторско дело или истражување, изворот мора да биде наведен, во спротивно станува збор за плагијатор, а не за новинар.
Оригиналното интервју (кое е продукт на порталот „Дрини.мк“) е многу подолго и во него поопширно се обработуваат темите. Вториот текст, пак, е многу пократок и прикажува само еден краток дел од ова интервју. Бидејќи решил да го направи тоа, новинарот требало да го дополни својот продукт и со мислењето на барем еден од политичките субјекти што се наведуваат во текстот: Националната демократска преродба (НДП), Движењето за реформи во ДПА, ПДП или Нова демократија. Треба да се истакне дека текстот е пренесен само на веб-страната на „Алсат-М“, а не и во изданието на вестите на телевизијата.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
нема прикриени информации
ПРИСТРАСНОСТ
не може да се утврди
не може да се утврди
не може да се утврди
балансираност
КОМЕНТИРАЊЕ
нема коментаторски елементи
ПЛАГИЈАТ
делумна копија
ненаведен автор, ненаведен извор
КВАЛИТЕТ НА НАСЛОВОТ
информира
креативен
несензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
неповрзан со тагови