Нецитирањето на изворот е непрофесионален чин
Објавено во Рецензии
on 24 - 09 - 2015 Автор: Benjamin Arifi
[Рецензија: СДСМ бара 12 заменици на специјалниот обвинител, ВМРО е против]
Присвојувањето на туѓите текстови без цитирање и без дозвола од авторот не само што е непрофесионален чин, туку и неетички. Копирањето и присвојувањето ги избледуваат довербата, влијанието и перцепцијата за медиумот од страна на колегите и граѓаните. Особено денеска, кога исчезнале сите фрагментации на албанската јавност во Македонија и кога, речиси без исклучок, сите ги читаат и ги следат како медиумите на албански јазик, така и тие на македонски јазик.
Линк до оригиналниот наслов: СДСМ бара 12 заменици на специјалниот обвинител, ВМРО е против
Датум и време на објавување: 09.09.2015
Датум на рецензија: 15.09.2015
Рецензент: Бењамин Арифи
Написот што го рецензираме, всушност, е целосна копија од написот објавен на интернет-страницата на телевизијата „24 Вести“. Веста само е преведена од македонски на албански јазик и со ниту еден збор не е наведен оригиналниот извор на веста. Напротив, новинарот ја присвојува веста, како да ја напишал самиот, и се обидува да ги присвои заслугите за понудените информации.
„Дванасет заменици обвинители на кои инсистира опозициајата да работат со специјалниот јавен обвинител на аферата „Прислушување“ и случајот „Пуч“ и тврдењето на власта дека тоа е излегување надвор од рамката на договорот од Пржино, но и противуставно барање и натаму е клучното несогалсување во преговорите за избор на специјалниот обвинител, пренесува журнал.мк“
Ваквите постапки оставаат горчлив вкус врз репутацијата на медиумот, но го повредуваат и личниот и професионалниот интегритет на самиот новинар. Од етички и од морален аспект, новинарот треба да ги почитува колегите, но уште повеќе читателите и јавноста на која ѝ се обраќа. Не само тоа, туку присвојувањето туѓи текстови без цитирање носи и законски последици, поради законската заштита на авторските права.
Од друга страна, кога јавноста знае неколку јазици, многу е лесно да се забележи кога веста не е цитирана.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
не може да се утврди
СЕОПФАТНОСТ
ПРИСТРАСНОСТ
не може да се утврди
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
целосна копија
ненаведен извор
КВАЛИТЕТ НА НАСЛОВОТ
информира
креативен
несензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови