Насловот „крвав“, читателот измамен
Објавено во Рецензии
on 2 - 11 - 2016 Автор: Југослава Дуковска[Рецензија: Крв на скопските улици: 35 лица завршија во болница]
Кога ќе се прочита наслов како овој на прилогот што го рецензираме, прва асоцијација кај секој читател, гледач, би била дека медиумот известува за некоја голема несреќа што се случила во Скопје, факт кој неминовно би вознемирил, загрижил, растажил, односно би предизвикал негативни чувства. Но, кога ќе се прочита целиот напис под ваквиот наслов и ќе се дознае дека, всушност, се работи за прераскажан билтен на сообраќајната полиција на СВР Скопје за изминатиот викенд и дека во него станува збор за збирна информација за сообраќајни инциденти со лесни последици – лица со лесни телесни повреди, помала материјална штета, како и поминувања на црвено светло, неврзан сигурносен појас и користење мобилен телефон, читателот се чувствува измамен, изигран. Првата асоцијација тогаш е – револт поради обидот за манипулација со чувствата на тие што овој наслов ги вознемирил.
Линк до оригиналниот напис: Крв на скопските улици: 35 лица завршија во болница
Датум и време на објавување: 31.10.2016, 10:03
Датум на рецензирање: 2.11.2016
Рецензент: Југослава Дуковска
КАДЕ Е КРВТА ОД НАСЛОВОТ?
„Триесет и пет лица се полесно повредени во 16 од вкупни 39 регистрирани сообраќајни несреќи во изминатите три дена на подрачјето на Скопје. Деветнаесет сообраќајки се материјална штета“.
Ова е главата на веста и таа јасно кажува дека станува збор за сообраќајни инциденти со лесни повреди, кои обично се третираат со преврски и со помали медицински интервенции. Под лесни повреди вообичаено, во полицискиот и во правниот речник се подразбираат нагмечувања, подливи и модринки, полесни облици на потрес на мозок.
А, ова е, пак, останатото „салдо“ од 39-те сообраќајки на скопските улици:
„Во текот на изминатите три дена сообраќајната полиција, санкционирала осум возачи кои возеле под дејство на алкохол и се исклучени од сообраќај, девет поминале на црвено светло на семафор и 17 возачи кои за време на управување на возилото не користеле сигурносен појас или го користеле мобилниот телефон“.
Очигледно е дека од најавата за некаква „крв до колена“, за среќа, нема ништо. Единствената „жртва“ во овој случај е вистината. И веродостојноста на медиумот кој вака се поигрува со читателите, односно гледачите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
во насловот
во насловот
не аплиактивно
друга пристрасност
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови