Насловите со коментари немаат место во информативните жанрови
Објавено во Рецензии
on 22 - 03 - 2016 Автор: Fatlume Dervishi
Напис: Незири се пазари без анџијата: Прогласува победа на ДУИ, уште пред да гласаат Aлбанците!
Шефот на изборниот штаб, Беким Незири, честиташе за одржувањето на овој собир и истовремено истакна дека ДУИ во сите нејзини разграноци одржува изборни собири на Младинскиот форум.
„Младинскиот форум е клучен сегмент за еден здрав политички субјект. Не се сомневам дека на 5 јуни ќе ја славиме следната победа во Липково и во цела Македонија. Почитувана младино, изборите на 5 јуни се најважни за ДУИ, но и за сите Албанци во Македонија“, известува „Журнал“.
Неколку политички партии на различни начини, уценувајќи и лажејќи, ги напаѓаат политиките на ДУИ. Нема ни албанска ни македонска политичка сила што може да ги запре залетот и силата на ДУИ предводена од Али Ахмети“, рече шефот на централниот изборен штаб, Беким Незири.
[Рецензија: „Незири се пазари без анџијата: Прогласува победа на ДУИ, уште пред да гласаат Aлбанците!“]
Насловот е првото нешто што читателот го забележува. Неговата атрактивност прави читателите да се интересираат за содржината на текстот, a, од друга страна, влијанието на целата содржина зависи од ударната сила на насловот. Меѓутоа, етичките правила на известување, колку што вредат за текстот, толку и за насловот. Според тие правила, доколку станува збор за информативни жанрови, коментарите и ироничните изрази не се дозволени ниту во насловот.
Линк до оригиналниот наслов: Незири се пазари без анџијата: Прогласува победа на ДУИ, уште пред да гласаат албанците!
Датум и време на објавување: 14.03.2016, 10:56
Датум на рецензирање: 15.03.2016
Рецензент: Фатлуме Дервиши
Две различни уреднички политики стопени во еден напис, дале не толку соодветен резултат, оневозможувајќи пораката да се пренесе јасно. Ироничниот пристап во насловот не е соодветен на вестите, додека, пак, конкретниот напис има наслов со коментар и со иронија. Освен ова, текстот е земен од „Журнал“, а насловот е ставен од авторот од медиумот што ја презел веста. Меѓутоа, читајќи внимателно, забележуваме дека овие два елементи на овој напис не се совпаѓаат еден со друг. Насловот е критикувачки, а текстот е едноставна информација, оставајќи ја во сенка и без аргументи критиката што ја најавува насловот.
„Треба да биде јасно поделено, кои се факти а кои се информации и кои се коментари, претпоставки или ставови на авторот за да се избегне дезинформација и манипулација со јавноста“, се вели во етичкиот Кодекс на новинарите на Македонија и понатаму се дополнува:
„Соопштенијата на политичките партии или другите групи и организации треба да бидат јасно нагласени, додека нивната обработка во редакцијата не смее да ги промени фактите, контекстот и значењето“.
Критиката е професионална обврска на новинарот, но истата треба да биде објективна, заснована на факти и поддржана од компетентни извори. Може да се цитираат закони, да се објавуваат дополнителни информации за пораката што се известува, но сето тоа треба да се извади надвор од субјективноста и од индивидуалното убедување на авторот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни,
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
делумна копија
наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови