Наслов „крстен“ заради политички напад
Објавено во Рецензии
on 10 - 10 - 2016 Автор: Силвана Жежова[Рецензија: (ФОТО) СИСТИНА НА ОРЦЕ КАМЧЕВ СЕ ЛИКВИДИРА – РЕЖИМОТ ЗАБРЗАНО ТОНЕ!]
Насловот на текстот неосновано поврзува правно дејство извршено врз компанија со пад на одредена политичка структура: „Систина на Орце Камчев се ликвидира – режимот забрзано тоне“. Но, пропаѓањето на одредена компанија не значи и паѓање на одреден режим. Иако станува збор за преземен текст, сепак насловот го наведува читателот на погрешно толкување и содржи едностраност и пристрасност. Насловот е тенденциозен со тврдењето „Систина на Орце Камчев се ликвидира“, што упатува дека болницата „Аџибадем Систина“ пропаѓа. Компанијата, пак, испрати демант дека не е предмет на ликвидација.
Линк до оригиналниот напис: (ФОТО) СИСТИНА НА ОРЦЕ КАМЧЕВ СЕ ЛИКВИДИРА – РЕЖИМОТ ЗАБРЗАНО ТОНЕ!
Датум и време на објавување: 03.10.2016
Датум на рецензирање: 10.10.2016
Рецензент: Силвана Жежова
ПОМЕШАНИ ИМИЊАТА
Почетокот на текстот го дава вистинскиот правен назив на компанијата која е предмет на ликвидација, а тоа е „Систина медикал“, што од насловот на текстот не може да се утврди. Во демантот на „Аџибадем Систина“ стои дека „Систина медикал“ работела сè до отворањето на клиничката болница „Аџибадем Систина“, а според законот, со оглед на тоа дека компанијата „Систина медикал“ повеќе нема активности, како и дозвола за работа, мора да биде спроведена постапка за ликвидација.
„Во службен весник број 176 објавена е намера за ликвидација на Приватна здравствена организација – Специјална болница по гинекологија и акушерство „Систина медикал“, информира проталот Актуелно. За ликвидатор е назначена Ратка Куноска-Камчева“.
И со ова тврдење во текстот, на граѓаните им се сервисира погрешна информација. Од текстот не може да се заклучи за која компанија што се ликвидира станува збор, па оттука ликвидацијата ја поврзуваат со постоечката болница. Со оглед на тоа дека станува збор за болница, ова може да предизвика одреден вид паника кај граѓаните.
ДОДАДЕНОТО ГО „ЗАБИБЕРИЛО“ ТЕКСТОТ
„Засега нема информации во јавноста зошто се ликвидира една од најпознатите фирми на бизнисменот Орце Камчев“.
Текстот што го рецензираме користи официјален извор – „Службен весник“, и доколку веста се пласирала како информација со името на компанијата која се ликвидира, не би имало ништо спорно во него. Но, заедно со произволното толкување на еден правен чин ставен во политички контекст, се пласира наслов кој е тенденциозен, што ги дезинформира читателите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
не може да се утврди
наклонетост
политичка пристрасност
КОМЕНТИРАЊЕ
интегрирано со фактите
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
има контекстуални линкови
стилски уреден