Напис во улога на обвинител и на судија
Објавено во Рецензии
on 25 - 12 - 2015 Автор: Ана Анастасовска
[Рецензија: Спасовски не знаел дека се апсат осомничените од „Фабриката за афери“]
Овој текст е политички мотивиран и го наведува читателот да верува во нешто што не е докажано ниту, пак, поткрепено со сериозни факти.
Линкуван наслов на анализираниот напис: Спасовски не знаел дека се апсат осомничените од „Фабриката за афери“
Датум и време на објавување: 23.12.2015
Датум на рецензирање: 25.12.2015
Рецензент: Ана Анастасовска
А ДА СЕ ПРАША СПАСОВСКИ?
Написот креира перцепција дека министерот за внaтрешни работи, Оливер Спасовски, не знаел за акцијата во која беше откриена „фабриката за лични карти“, односно, заслугите за тоа ги припишува на обвинителството и на стручните професионалци од МВР.
„На денешната прес конференција јавниот обвинител Јован Цветановски потврди дека акцијата ја спровело Обвинителството и професионални истражители од МВР.“
Ваквата информација можело многу лесно да се провери. Можело да се крене телефон и да се побара изјава од Спасовски, односно да се праша дали знаел или не знаел за акцијата на стручните професионалци од МВР.
„Експертите кои ги консултиравме велат дека ваквите акции се активности за кои министерот за внатрешни работи не е запознаен.
Заради тајност на постапките и превенција од влијанија, на Јавниот обвинител му се доделуваат специјални истражители од МВР, на кои Обвинителот им дава наредби за постапување, и за тие наредби истражителите не известуваат ниого од структурата ан МВР.“
Експертите тврдат дека ваквите акции се активности за кои министерот не е запознаен. Добро, ете, да веруваме дека експертите го трвдат тоа. Но, каде се експертите? Кои се тие што го тврдат ова? Понатаму, истите тие анонимни експерти сега не се толку сигурни во своето тврдење, па новинарот напишал:
„Експертите велат дека пости можност Спасовски да не бил известен за акцијата и заради основите на сомневање дека можеби постојат конекции на осомничените со Спасовски.“
Откако претходно со сигурност беше посочено дека Спасовски не бил запознаен со акцијата, сега се наведува дека „е можно да не бил запознаен со акцијата“. Каде е сега вистината? Понатаму, текстот го наведува читателот на мислење дека Спасовски не бил запознаен со акцијата поради сомневањето дека тој бил поврзан со осомничените. И, тука, всушност, е главната манипулација на написот. Не е толку важно дали министерот бил известен за акцијата или не, колку што е важно да се создаде слика дека тој бил поврзан со уапсените криминалци.
Ваквиот став, секако, не може да се земе здраво за готово. Имено, официјален орган нема изразено сомневање дека Спасовски бил поврзан со фалсификаторите. А, новинарството во никој случај не смее да обвинува, суди и пресудува.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
делумно
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, анонимни
релевантни, нерелевантни
повеќе извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
поврзан со тагови