Напис темелен на графит, а графитот го нема!
Објавено во Рецензии
on 15 - 06 - 2016 Автор: Симона Атанасова
Текстот што е предмет на оваа анализа нема никаква потврда за констатациите што ги изнесува. Написот тврди дека студентите му напишале графит на професорот по казнено право Гордан Калајџиев, но сликата која е објавена и која „глуми“ графит тоа не го покажува ниту, пак, „офарбаното“ може на кој било начин да се поврзе со професорот.
Линк до оригиналниот напис: Студентите му порачаа на Калајџиев: Не ме фарбај (ФОТО)
Датум и време на објавување: 08.06.2016, 19:48
Датум на рецензирање: 14.06.2016
Рецензент: Симона Атанасова
А КАДЕ ПИШУВА „НЕ МЕ ФАРБАЈ“?
„’Не ме фарбај’ му порачаа студентите на професорот Гордан Калајџиев кој учествува во таканаречената Шарена револуција. Денес тие ова му го порачаа со графит на неговата канцеларија“.
Иако се тврди дека на графитот, наводно, пишува „Не ме фарбај“, тоа не може да се забележи на сликата. Фотографијата изгледа како да е исечена на пола и се забележуваат само црвени линии, па од понудената слика не може да се заклучи што пишува, а уште помалку дека пишува „Не ме фарбај“.
Исто така, нема никаква потврда дека овој графит стои на канцеларијата на Калајџиев. Сликата не го докажува тоа ниту, пак, има каква било изјава што може да го потврди тоа. Без никаква потврда, напишаното „не држи вода“ и многу лесно може да станува збор за манипулација и за лага.
Како потврда за напишаниот графит, нема ниту една изјава од студентите кои, наводно, му го напишале графитот. Не е прецизирано за кои студенти се работи, кога го напишале ова и која била целта.
Во текстот недостига и изјава од професорот Калајџиев за да го потврди или демантира напишаното.
Освен тоа, во написот пишува дека Калајџиев на протестите „се заканувал дека ќе паднат жртви“, но не е пренесена негова изјава или фрагмент од негово обраќање, за да се види кога и каде го кажал ова. Професорот се обвинува и дека „вандалски се однесувал“ на протестите и тоа „во име на партијата која 10 години е на опозиција“.
Меѓутоа, протестите -„Шарената револуција“, не се организирани од СДСМ туку зад нив стои граѓанското движење „Протестирам“, а професорот Калајџиев не е член на најголемата опозициска партија, ниту некогаш изјавил дека на протестите присуствува како дел од некоја политичка опција.
Така што, на читателите им е понуден манипулативен производ што нема некоја допирна точка со новинарството и многу повеќе наликува на наменска конструкција.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
има контекстуални линкови
делумно стилски уреден
поврзан со тагови