Надувано „насилство“
Објавено во Рецензии
on 21 - 01 - 2017 Автор: Зоран Бојаровски[Рецензија: Хаос во САД: Платеници на Сорос ја нападнаа полицијата на инаугурацијата на Трамп]
Речиси во секоја реченица на оваа медиумска содржина има проблеми. Но, дали станува збор за грешки или манипулација, ќе заклучиме во завршницата на оваа рецензија. Затоа, да одиме со ред.
Од текстот објавен на овој портал, како и од видеозаписот, кој, очигледно, е изворот за креирање на овој „новинарски“ производ, нема ниту еден елемент, изјава или каков било знак, симбол, па дури ни индиција, според кои протестите за коишто се пишува можат да се идентификуваат како активност на „платеници на Сорос“. Дури да го земеме овој термин, „платеници на Сорос“, како реален, иако тој апсолутно нема никаква реална врска со стварноста и со фактите, зашто „платеници на Сорос“ е производ на одреден дел медиуми и на владините структури во Република Македонија.
Оваа медиумска содржина се повикува на „насилството“ на овие протести кои биле идентични како оние на „Шарената револуција“ кај нас, иако, можеме тоа многу недвосмислено да го видиме од видеоснимката – насилство воопшто нема. Има туркање со полицијата, но тоа тешко дека може да се нарече насилство.
Пишува дека имало димни бомби, но на снимката нема ништо од тоа, освен ако петардата на 1:15 минута може да се нарече бомба. Димна.
Линк до оригиналниот напис: Хаос во САД: Платеници на Сорос ја нападнаа полицијата на инаугурацијата на Трамп
Датум и време на објавување: 20.01.2017 – 11:14
Датум на рецензирање: 20.01.2017
Рецензент: Зоран Бојаровски
И тоа не е сè. Пишува дека злоупотребувале деца, но за тоа нема ништо ниту во видеозаписот ниту, пак, каков било друг линк, освен прераскажан медиумски извештај. Толку ли е тешко денес да се стави линк до изворот? Тој чекор ќе беше доволен да се покаже професионалност и веродостојност. Наместо тоа, останува впечатокот дека бележиме уште една постапка која зборува за серија од манипулации во оваа медиумска содржина.
И, на крајот, но не помалку важно, целата оваа сторија се гради на еден единствен извор: видеоснимка од медиум кој е еклатантно расистички и крајно десен. Еве, да бидеме коректни и да речеме дека тоа е право на избор, но кога веќе се избира една таков, екстремно десно позициониран медиум, логично би било да се понуди уште еден извор за да биде сторијата избалансирана.
И, конечно, насловот! „Хаос во САД: Платеници на Сорос ја нападнаа полицијата на инаугурацијата на Трамп“ е апсолутно непропорционален и несоодветен наслов во однос на настанот за кој пишува овој текст. Тешко дека две-триста демостранти се доволни за „Хаос во САД…“. Тоа е само за да се надува балонот докрај.
Од сето претходно изложено, рецензентот на оваа медиумска содржина ви остава вам, почитувани читатели на „Сервис за проверка на факти од медиумите“, сами да донесете заклучок дали станува збор за грешки или за манипулација.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни,
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
политичка дискриминација,
УРЕДЕН ЗА ВЕБ
читлив
солидни мултимедијални елементи
стилски уреден
поврзан со тагови