На лагата ѝ се кратки нозете!
Објавено во Рецензии
on 9 - 01 - 2017 Автор: Ана Анастасовска
[Рецензија: Соросовиот „Либертас“ со уште една тешка лага: Книгата на Трамп јавно достапна, ја има во „Сити мол“ во Скопје]
Написот што го рецензираме, брзајќи да го одбрани лидерот на ВМРО-ДПМНЕ, Никола Груевски, и да нападне друг медиум, нагласувајќи дека е „Соросов“, не обрнал внимание на тоа што го пишува и на фактите што им ги нуди на читателите.
Линк до оригиналниот напис: Соросовиот „Либертас“ со уште една тешка лага: Книгата на Трамп јавно достапна, ја има во „Сити мол“ во Скопје
Датум и време на објавување: 05.01.2017
Датум на рецензирање: 08.01.2017
Рецензент: Ана Анастасовска
Сакајќи да побие еден напис, текстот самиот напаравил голема грешка.
Имено, тенденцијата на написот се гледа уште во самиот наслов во кој се нагласува дека „Соросовиот“ Либертас излегол со уште една лага во јавноста. Прво, се манипулира со тоа што се вели „уште една лага“, а не се кажуваат кои се другите лаги кои, наводно, ги објавил споменатиот медиум.
„’Либертас’ напиша дека книгата на новоизбраниот американски претседател Доналд Трамп „Повторно величествена“ ја нема во Скопје. Секако тоа е лага, бидејќи е јавно достапна во „Сити мол“ во Скопје, во „Арс студио“, кое се наоѓа на вториот кат во трговскиот центар. Од таму велат дека оваа книга од 200 страници е една од најпродаваните и чини 490 денари“.
Второ, веста што ја објавува „Либертас“ не е негова, туку е преземена од агенцијата „Мета“ и тоа јасно е наведено на „Либертас“, а има и линк до оригиналната вест, но тоа очигледно во овој напис не е толку важно. Иако веста на „Мета“ ја пренесоа и други медиуми, сепак написов одлучил да го нападне „Либертас дека лаже“.
Понатаму, веста на „Мета“, која ја презел и „Либертас“, не е лага. Оригиналната вест информира дека книгата од Доналд Трамп, која Груевски ја спомнал во интервјуто на „Република“, посочувајќи дека е последна книга што ја прочитал, ја нема во македонските книжарници.
Значи, ја нема во книжарниците, а не ја нема во Македонија, како што се нагласува во овој напис. Понатаму, написот ја побива веста на „Либертас“, посочувајќи дека книгата ја имало во „Арс студио“ во „Сити мол“. „Арс студио“ е издвачка куќа и едукативен центар кој нема свои книжарници во Македонија, туку има само една штанд-книжарница во „Сити мол“.
Целта на овој текст, очигледно е политички мотивирана и тенденциозна. Да се нападне и да се оцрни критички настроен медиум кон власта, без притоа да се обрне внимание на веста која тој медиум ја објавил и на фактите во неа. Во новинарството нема место за политички побуди, туку само за факти и за вистини кои се од интерес на јавноста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, неофицијални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
навредлив говор
говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
поврзан со тагови