Можен криминал затскриен зад македонштината
Објавено во Рецензии
on 22 - 02 - 2016 Автор: Ана Анастасовска
[Рецензија: Едмонд Темелко – брана на македонштината во Албанија]
Овој текст претставува типична манипулација и истакнување на патриотизмот, обид да се претстават СДСМ и Катица Јанева како државни непријатели, како некои кои ги гонеле големите македонски патриоти.
Линк на оригиналниот напис: Едмонд Темелко – брана на македонштината во Албанија
Датум и време на објавување: 13.02.2016
Датум на рецензирање: 19.02.2016
Рецензент: Ана Анастасовска
ПРЕДИЗБОРНА ПОЛИТИЧКА ИГРА
Прво, тоа што е нелогично и што претставува спин е поврзувањето на Зоран Заев со Катица Јанева и нивното заедничко дејствување, односно обидот да се претстави специјалната обвинителка дека работи по диктат на лидерот на СДСМ. Ваквата слика што подолго време се наметнува во дел од медиумите, сега е дополнета и со обвинителката Фатиме Фетаи, која го образложи предметот „Титаник“.
„Дали Зоран Заев, Катица Јанева и Фатиме Фетаи сакаат пак да ги судат Македонците поради љубота кон татковината?“
Каква врска има Зоран Заев со обвинителството и со Катица Јанева? Нивното поврзување е обид да се создаде погрешна слика во јавноста дека Катица Јанева дејствува според она што ќе ѝ го наложи СДСМ. Понатаму, во текстот се наведува дека тие сакале да „ги судат Македонците поради љубовта кон татковината“. Во обвинителниот акт против Едмонд Темелко никаде не е наведено дека тој е осомничен за љубов кон татковината, туку за изборни измами.
Љубовта кон татковината не може да се идентификува со сомневање за кривично дело, а уште помалку тој што е осомничен за кршење на законот може да се крие зад патриотизмот. Токму тоа се прави во овој напис, што е спротивно на новинарските професионални стандарди. Имено, новинарскиот производ не треба да суди и да проценува, туку треба да содржи информации од интерес на јавноста, а читателот самиот ќе донесе процена.
„Тие го уапсија и се обидоа да го притворат градоначалникот на општината Пустец Едмонд Темелко, кој на албанската политичка сцена стана синоним за отпор во истрајноста и борбата за заштита на правата на Македонците во Албанија.“
Тука повторно се наведува читателската публика на спинот дека Едмонд Темелко бил уапсен поради тоа што е градоначалник на Пустец. Не е спорно дека тој е единствениот македонски градоначалник во Албанија, но тоа во случајов не е предмет на интерес. Специјалното обвинителство не покрена обвинение против него поради тоа, туку поради сомневање за изборни измами. А тоа во текстот не е никаде истакнато, ниту наведено.
Подолу во текстот е наведена опширна биографија за Едмонд Темелко, за да му се посочи на читателот што сè тој има направено во општина Пустец и за да се поентира дека
„Едмонд Темелко е браната на македонштината во Албанија“.
Овој напис има цел да ја нападне специјалната обвинителка и да ја поврзе со лидерот на СДСМ, а од друга страна, да го претстави Темелко како голем патриот. Тоа, пак, повеќе наликува на политичка игра пред избори, отколку на новинарско известување.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
поврзан со тагови