Пристрасно загадена пропорционалност
Објавено во Рецензии
on 22 - 02 - 2016 Автор: Зоран Бојаровски[Рецензија: Граѓаните знаат кој лаже, а кој работи и на прочистување на воздухот и на проекти за подобар живот]
Еден од врвните принципи на новинарствотот е вестите да бидат комплетни и пропорционални. Настојувањето вестите да бидат пропорционални во однос на нивното значење е во основата на трагањето по вистината. Новинарството е како картографијата: тоа создава мапи кои на граѓаните им помагаат успешно да се снаоѓаат во општествените системи. „Дувањето“ на настаните заради сензационализам, потценувањето на другите извори, стереотипизирањето и несоодветниот негативен став, не создаваат веродостојни мапи.
Имаме извештај од седница на Град Скопје на која се расправало за загадувањето на воздухот во главниот град. Една од најболните и најзагорзувачки теми за здравјето на граѓаните.
Но, наместо извештај кој ќе биде комплетен и пропорционален, ние читаме крајно неизбалансиран текст, 90 отсто од текстот е отстапен на советничка од ВМРО-ДПМНЕ, а само еден мал пасус за советник на СДСМ, по кој следува одговорот на советничката. Тоа не е пропоционално. Тука пропорционалноста е „загадена“ од пристрасност. Политичка.
Линк до оригиналниот напис: Граѓаните знаат кој лаже, а кој работи и на прочистување на воздухот и на проекти за подобар живот
Датум и време на објавување: 18.02.2016 / 16:48
Датум на рецензирање: 22.02.2016
Рецензент: Зоран Бојаровски
АПОЛОГЕТИКА
Интересно е дека во целата тирада во одбрана на градоначалникот на Скопје, има само една реченица која говори за неговите мерки за спречување на загадувањето на воздухот во Скопје. Целата останата содржина од овој настап на советничката е апологетика на мерките на Владата кои, на крајот од краиштата, сепак не даваат неопходни резултати. Без разлика на промените на времето, одвреме-навреме, скопјани живеат во еден од петте најзагадени градови во Европа.
Она што понатаму останува како законска обврска на градоначалникот, произлегува од Законот за квалитет на амбиентниот воздух – членот 26, кој утврдува кој е одговорен да донесе програма за намалување на загадувањето и за подобрување на квалитетот на амбиентниот воздух:
„Планот за квалитет на воздух од ставот на овој член ги подготвува градоначалникот на општината и градоначалникот на градот Скопје во соработка со органот на државната управа надлежен за работите од областа на животната средина за период од пет години.“
Ова требало да се знае при известувњето од седницата. Белким, во тој случај, текстот ќе бил многу повеќе врамнотежен и неутрален, зашто дистанцата од политичките елити (Член 14 од Кодексот на новинарите) е суштински услов на новинарството, основа за новинарската веродостојност. Независноста на духот и на мислата, заедно со новинарската позиција на неутралност, се водечките принципи на професионалното новинарството.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Селективно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
2 извори
повеќестрани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
поврзан со тагови