Многу шпекулации за ширење пропаганда
Објавено во Рецензии
on 22 - 07 - 2016 Автор: Ана Анастасовска
[Рецензија: СО ОДБИВАЊЕТО МИНИСТРИТЕ ДА СЕ ПОВЛЕЧАТ: СДСМ подготвува терен за непризнавање на изборните резултати?]
Ова е еден шпекулативен и спинерски текст, за кој од авион се гледа дека е политички мотивиран, бидејќи во многу делови наликува на партиско соопштение.
Линк до оригиналниот напис: СО ОДБИВАЊЕТО МИНИСТРИТЕ ДА СЕ ПОВЛЕЧАТ: СДСМ подготвува терен за непризнавање на изборните резултати?
Датум и време на објавување: 20.07.2016, 10.14
Датум на рецензирање: 22.07.2016
Рецензент: Ана Анастасовска
ПОЧЕТОК СО СПИН
Спинот е содржан уште во самиот наслов на текстот, односно најавена е тезата во која се убедува читателот подолу во текстот. А тоа е дека опозицискиот СДСМ се подготвува за непризнавање на изборните резултати.
„Така беше и вчера кога ДУИ и ВМРО-ДПМНЕ тврдеа дека договор е можен доколку СДСМ ги прифати разумните барања. Тие, пред сѐ, се однесуваат на тоа министрите од СДСМ во техничката влада да немаат неограничени можности во кадровската политика“.
Се напаѓа СДСМ дека не ги прифаќа барањата на ДУИ и на ВМРО-ДПМНЕ, за кои се нагласува дека биле разумни. Но, не е објаснето како и зошто тие барања се разумни и за кого се разумни? Тука се прави убедување на читателот дека она што го нуди власта и што таа смета дека е добро, тоа е добро за сите! Нема став од СДСМ по ова прашање. Друг проблем е што нема официјални изјави, туку најверојатно станува збор за анонимни извори и за своеволни толкувања.
„Со одбивањето, СДСМ свесно покажува дека ќе загуби на изборите и сака да купи дополнително време до формирањето на новата влада“.
Овој дел од текстот е коментар кој има цел да шири политичка пропаганда и да ја поддржи погоре изнесената теза.
А ЗОШТО РЕЗУЛТАТИТЕ НЕ БЕА ПРИЗНАЕНИ?
„Во партиските кругови сè почесто се коментира дека е можно СДСМ повторно да подготвува сценарио на непризнавање на резултатите како што беше случај за изборите во 2014 година. Во таков случај се надеваат и на поддршка од амбасадорите, па затоа е потребно министерот да биде од нивните редови“.
Како шлаг на тортата, неприфаќањето на барањата на власта од страна на СДСМ се поврзува со сценариото од изборите во 2014 година, кога најголемата опозициска партија не ги прифати и на ги призна изборните резултати. Но, никаде не е спомнато дека СДСМ не ги призна изборите бидејќи се сомневаше и обвинуваше за тежок изборен криминал, што подоцна го докажуваше преку таканаречените „бомби“.
Целиот текст е неверодостоен, прво затоа што нема никакви извори, а второ, бидејќи во него нема став од СДСМ. Понатаму, текстот е коментаторски и спинерски и има само една цел – ширење на политичка пропаганда.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
информира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
не апликативно
поврзан со тагови