verifikimiifakteve.mksitemap
verifikimiifakteve.mksitemap

Наместо да информира, „води војна“ со опозицијата

on 28 - 07 - 2016       

vecer

[Рецензија: СДСМ планира немири по изборите – затоа го бара МВР]

 

Некогаш една реченица е доволна за да укаже на тоа дали написот за кој станува збор е објективен новинарски текст или пропагандно четиво. Во овој случај таа една реченица е тврдењето дека опозициската партија подготвува насилства на денот на изборите. Насадена среде извештај за текот на преговорите на четирите политички партии за излез од кризата, оваа фантомска реченица, никната од нигде-никаде, е  апсолутно непоткрепено тврдење со какви било факти, нема логична поврзаност со остатокот од текстот, а не смее да се занемари ниту фактот дека е сериозно и мошне опасно обвинување, на сметка на опозициската партија. Освен тоа, оваа реченица-фантом е срочена неписмено, содржи нелогичности и граматички грешки, па изгледа како да е дополнително и без многу внимание интервенирано во веќе готов новинарски текст за да се испрати политичка порака за оцрнување на опозицијата, која е извлечена и како наслов.

Рецензија: Место да информира, води војна со опозицијатаЛинк до оригиналниот напис: СДСМ планира немири по изборите – затоа го бара МВР

Датум и време на објавување: 19.07.2016, 15:57

Датум на рецензирање: 26.07.2016

Рецензент: Југослава Дуковска

 

НЕПОВРЗАН ФРАГМЕНТ

Се работи за новинарски извештај, кој, главно ги дава основните информации за политичките преговори попознати како Пржино 2, па, иако известувањето е полно со пристрасности и со необјективен третман на актерите на настанот, тој сепак ги носи основните елементи кои еден извештај треба да ги содржи. Имено, има глава во која се дадени одговорите на основните пет новинарски прашања: кој, кога, што, како и зошто, има изјави од (не сите) политички актери на настанот, има информации и факти, додека тврдењата се оставени таму каде што им е место, во цитираните изјави на соговорниците – претставници на партиите на власта (не и на опозицијата).

Но, во него стои еден стилски неповрзан фрагмент кој гласи вака:

„Нејасно е зошто инсистира СДСМ да имаат нивни министер за внатрешни работи и по предвремените избори иако и во договорот од Пржино и во Изборниот законик стои дека привремениот министер има мандат кој завршува со денот на изборите. СДСМ планира немири и насилства по изборниот ден, и затоа им е многу важно тие денови и затоа им е многу важно тие денови да ја контролираат политиката која како наместо пречка, би била олеснување за насилниците и демонстрантите, затоа им треба да го водат МВР и после изборниот ден“.

Во извештај од настан е целосно нелогично и непрофесионално новинарот сам на себе или на читателите, сеедно, да им поставува какви било прашања, а уште помалку смее да си дозволи да изнесува обвинувања кон некој од актерите на настанот, непоткрепени со ниту еден податок и факт кој ги потврдува. А, тоа е токму она што гледаме дека овде е направено.

 

А СТАВОТ НА СДСМ?

Згора на тоа, ова не ја исцрпува листата на грешки во извештајот. Необјективноста и пристрасноста може да се воочи и со самиот факт дека се спомнуваат ставови на Социјалдемократскиот сојуз, тие се критикуваат, им се остава на соговорниците од партиите на власта ВМРО-ДПМНЕ ( Никола Тодоров) и на ДУИ (Артан Груби) екстензивно да го коментираат однесувањето на СДСМ, а од друга страна на претставник на оваа партија не му е  даден простор ниту еден збор да каже и да го образложи она што во текстот се тврди дека тие го бараат.

Сето ова кај читателот создава впечаток дека со текстот, всушност, се „води војна“ со СДСМ, а дека информирањето е од второстепено значење.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

има и точни и неточни

делумно

infoVistinitostИЗВОРИ НА ИНФОРМАЦИИ

има евидентирани извори

официјални

релевантни

повеќе извори

еднострани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

лажни информации

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

не може да се одреди

ненаведен автор

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

навредлив говор

нема говор на омраза

потикнува на насилство

не дискриминира

infoVistinitostУРЕДЕН ЗА ВЕБ

читлив

нема мултимедијални елементи

нема контекстуални линкови

стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести