Речник и комуникација под секое ниво
Објавено во Рецензии
on 29 - 07 - 2016 Автор: Ана Анастасовска[Рецензија: Грујовата пудлица го попуши… Стан во Менхетен на продажба, криза кај спознорушите во САД]
Текстот што е предмет на оваа рецензија е недоличен и користи навредлив речник, кој се граничи со примитивизам, што е спротивно на професионалните новинарски и етички норми.
Линк на оригиналниот напис: Грујовата пудлица го по..ши… Стан во Менхетен на продажба, криза кај спознорушите во САД
Датум и време на објавување: 23.07.2016
Датум на рецензирање: 28.07.2016
Рецензент: Ана Анастасовска
НАВРЕДЛИВ ГОВОР НА ГРАНИЦА НА ПРИМИТИВИЗАМ
Она што е најспорно во овој текст е насловот и првиот пасус. Имено, тие содржат навреди и недолични зборови, кои не доликуваат за еден новинарски напис.
„Грујовата пудлица го по..ши… Стан во Менхетен на продажба, криза кај спознорушите во САД“
Која е поентата на вакиот наслов? Освен што е употребен недоличен говор за да се навреди споменатата личност, друга цел нема.
Истиот начин на изразување продолжува и во првиот пасус во текстот.
„Исчуре Грујовото пудличе… Цел свет прошета во промотивна кампања, прееба пола милион евра за хотели и авионски карти, и никому ништо“
Покрај навредите, написот содржи и обвинувања, без притоа да понуди цврсти аргументи и докази за нив. На читателот му се посочува дека Керим потрошил половина милион евра за хотели и за авионски билети, а не нуди одговор од каде е извлечена таа сума, постојат ли докази за тоа и ако информацијата е точна, треба да одговори на прашањето, чии пари потрошил Керим.
Ништо од ова го нема како информација во текстот. Не е посочен ниту изворот на информацијата, поради што напишаното е неверодостојно.
Написот прекршува неколку члена од Кодексот за новинари.
Новинарот треба да објавува точни, проверени информации и нема да прикрива суштински податоци и да фалсификува документи. Доколку информацијата не може да се потврди или станува збор за претпоставка, односно шпекулација, тоа треба да се каже и да се објави. Точноста на информацијата треба да се провери колку што е тоа можно. (Член 1)
Новинарот ќе го назначи изворот на информациите, но ако изворот бара да остане анонимен, новинарот ќе го заштити. (Член 4)
Новинарот мора да ја негува културата на говорот и етиката. Неспојливо со новинарската професија е непримерната комуникација со јавноста. (Член 15)
КЕРИМ НЕ Е ИЗЛЕЗЕН ОД ТРКАТА
Она што, исто така, е спорно во текстот, е тоа што во него се тврди дека македонскиот кандидат за генерален секретар на ОН, излегол од трката за прв човек на оваа организација. Притоа, текстот се повикува на информацијата што ја пренесе друг медиум и ја пласира без дополнително да ја провери барем од уште еден извор.
„Членовите на Советот за безбедност на Обединетите Нации исклучиле шест од 12–те кандидати за прв човек на организацијата, објави ТВ21“.
Наспроти ваквата (дез)информација, истиот ден во дел од медиумите можеше да се прочита веста дека „Срѓан Керим влезе во потесниот круг за избор на нов генерален секретар на Обединетите нации“. Од интевјуто на Керим, дадено за една телевизија, како и од тоа што досега беше објавено околу изборот на нов генерален секретар на ОН, македонскиот кандидат не е излезен од оваа битка.
Според табелата објавена на „Википедија“, Керим се наоѓа на шестата позиција, со девет охрабрувачки гласови. Процедурата за избор е таква што Советот за безбедност во оваа фаза дава само мислења за сите кандидати, а понатаму се очекува од нив самите да се откажат, доколку добиле повеќе негативни од позитивни мислења. Сите кандидати, освен оние кои ќе се откажат, влегуваат во изборот на генерален секретар, кој го избира Генералното собрание, а голема улога при изборот има претходнот изјаснување на Советот за безбедност за секој од нив.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
стилски неуреден
неповрзан со тагови