Манипулативно-пропагандистичка хајка
Објавено во Рецензии
on 21 - 01 - 2016 Автор: Зоран Бојаровски[Рецензија:Дамјан Манчевски призна дека избирачкиот список е прочистен, но сега и тоа не е доволно]
Едноставно е несфатливо со каква леснотија се влегло во вакви неновинарски постапки. Нема ништо од начелата на професионалното во оваа медиумска содржина. Напротив! Таа е реаултат на однапред подготвена политичко-пропагандистичка хајка да му наштети некому, кој има поинакво политичко уверување.
Не е тешко да се докаже дека оваа медиумска содржина е манипулација заради тоа што таа во себе нема факти. Во текстот нема ниту еден доказ, ниту една индикација што ќе потврди дека еден од потпретседателите на најголемата опозициска партија навистина дал изјава во која „признал“ дека избирачкиот список е прочистен.
Линк до оригиналниот напис: Дамјан Манчевски призна дека избирачкиот список е прочистен, но сега и тоа не е доволно
Датум и време на објавување: 17.01.2016, 18:50
Датум на рецензирање: 21.01.2016
Рецензент: Зоран Бојаровски
„ПРИЗНАНИЕ“ ПРЕД ПОВЕЌЕ ОД ТРИ ГОДИНИ!
Нема никакво „тазе“ признание. Во текстот никаде не се наведува кога и каде е дадена ваква изјава. Пребарувањето по интернет води до една изјавa Манчевски дадена во декември 2012 година, но и во неа тој не вели дека „избирачкиот список е прочистен“, туку дека за СДСМ „е важно избирачкиот список да биде прочистен“.
Ова е изјавата на Манчевски којашто тогаш ја пренесоа медиумите:
„Дамјан Манчевски од СДСМ истакна дека партијата останува на заложбите за одржување фер и демократски избори. Повтори дека за нив е важно избирачкиот список да биде прочистен. СДСМ останува на барањето за целосно исполнување на препораките на ОБСЕ/ОДИХР, но и да продолжат активностите на работната група и постојано да се следи динамиката на прочистување на Избирачкиот список.“
Тоа не исправа пред прашањето колку треба да се биде политички пристрасен за да исконструира една ваква манипулативна невистина. Одговорот е еден – многу!
Затоа, уште еднаш, констатираме дека пред нас е медиумска содржина која не ги почитува темелните професионални принципи од Кодексот на новинарите, како што се:
- Новинарот треба да објавува точни, проверени информации и нема да прикрива суштински податоци и да фалсификува документи (Член 1);
- Новинарот ќе го назначува изворот на информации…. (Член 4);
- Известувањето од политичките процеси да биде непристрасно и избалансирано. Новинарот мора да се обезбеди професионална дистанца од политичките субјекти (14).
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
средно читлив
солидни мултимедијални елементи
има контекстуални линкови
делумно стилски уреден
поврзан со тагови