Македонија со највисоки пензии во регионот? Ова едноставно не е вистина
Објавено во Рецензии
on 18 - 08 - 2015 Автор: Benjamin Arifi
[Рецензија: Со најновото покачување, просечната пензија во Македонија е највисока во регионот]
Рецензираната вест е составена врз основа на една невистинита информација, со што и самата вест станува една лажна вест. И со најавеното зголемување во септември, Македонија останува зад многу држави од регионот кога станува збор за висината на просечната пензија во земјата. Овој факт многу лесно може да се потврди, доволно е само да се разгледаат статистичките податоци на земјите во регионот.
Линк до оригиналниот текст: Со најновото покачување, просечната пензија во Македонија е највисока во регионот
Датум и време на објавување: 11.08.2015
Датум на рецензија: 12.08.2015
Рецензент: Бењамин Арифи
Во овој текст новинарот не дава информации за висината на просечната пензија во ниедна друга земја од регионот, туку само констатира дека со новата вредност од 217 евра, Македонија ќе биде балкански лидер кога се работи за висината на просечната пензија.
„Со најновото покачување од 5% просечната пензија во Македонија ќе достигне до 13.100 денари или 217 евра, што е највисока процечна пензија во балканскиот регион. Според експертите, ефектот на оваа владина мерка може да се види во неколку аспекти.“
Доколку новинарот ги следеше правилата на професионалното известување и употребеше податоци од земјите во регионот и истите ги споредеше со податоците од Македонија, и самиот ќе се убедеше дека неговиот текст нема допирна точка со вистината. Макар и едно површно истражување ќе покажеше дека Грција, Хрватска, Црна Гора и Словенија имаат далеку повисока просечна пензија од Македонија.
На пример, според официјалните податоци на Еуростат, просечната пензија изнесува околу 882 евра, што е четирипати повисока од просечната пензија во Македонија.
Според последните податоци од Пензискиот фонд на Хрватска, просечната пензија во јуни од оваа година во таа земја изнесувала 2.473 куни или 327 евра.
И Црна Гора, држава многу помлада од Македонија, е пред нас кога станува збор за висината на просечната пензија. Во мај оваа година просечната пензија во Црна Гора изнесувала 272 евра.
Податоците за јуни добиени од словенскиот фонд покажуваат дека пензионерите во Словенија просечно примаат 560 евра месечно.
Овие податоци јасно покажуваат дека Македонија не е ни блиску до највисоките просечни пензии во регионот, а камоли на Балканот. Составувањето на една вест врз основа на лажни податоци, било тоа намерно или ненамерно, е непрофесионализам. Особено кога се работи за податоци кои се транспарентни и лесно може да се проверат на интернет.
(Од Сервисот за провека на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
нема евидентирани извори
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
ПЛАГИЈАТ
ненаведен автор
КВАЛИТЕТ НА НАСЛОВОТ
дезинформира
креативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
неповрзан со тагови