„Кутрите“ државници многу работат!
Објавено во Рецензии
on 13 - 06 - 2016 Автор: Владимир Мирчески
[Рецензија: ПУТИН МУ РЕЧЕ НА ЛУКАШЕНКО: Малку спијам]
„Замајување“ со неважна и воопшто незанимлива, поточно тривијална „информација“ за домашната публика. Каков квалитет носи текст во кој се зборува за средба меѓу претседателите на Русија и на Белорусија во која едниот на другиот му се пожалил дека малку спиел? Никаков!
Линк до оригиналниот напис: ПУТИН МУ РЕЧЕ НА ЛУКАШЕНКО: Малку спијам
Датум и време на објавување: 09.06.2016
Датум на рецензирање: 10.06.2016
Рецензент: Владимир Мирчески
И ТОГАШ ПУТИН МУ КАЖА НА ЛУКАШЕНКО…..
Што е ова, информација или реално шоу од типот „Кардашијан и друштвото“?! Путин му кажал на Лукашенко „малку спијам“, а овој му кажал „тоа е лошо“?! Веќе, голема работа. Што е тука важно за нашата, македонска публика во овој квазитекст. Одговорот е ништо, ама баш ништо. Можеби некому во Русија и во Белорусија ова би му значело, иако се сомневам, ама да се пласира ваква „вест“ во Македонија нема баш никаква логика.
Поточно, информацијата што се продава мора да има некаква вредност, некаква тежина за публиката на која ѝ е наменета, некаква вредност, значење за читателот зашто во спротивност ќе имате „производ“ ама без „пазар“. Во тој случај, постоењето на „производот“ е беспредметно зашто тој не е создаден за да стои во излог, туку за да дојде до крајниот корисник. Исто е и со информацијата, дури и полошо, таа е многу поподложна на ефектот на стареење. Дополнително, една од задачите на новинарот е да знае да филтрира, да селектира што во ова „море од вести, новини и информации“ би имало влијание врз неговата јавност. Инаку, отвори го „вентилот на порталот“ и пуштај сè и сешто од светот за домашната публика и ќе се добие медиумска папазјанија, хорор-лавиринт од гигабајти непотребни, беззначајани т.н. информативни производи…
Тоа го имаме во оваа ситуација – нешто незначајно се нуди како важно.
Друг проблем е начинот како се раскажува за набиената агенда на Путин, демек треба да го жалиме првиот човек на Руската Федерација зашто имал многу работа. Навистина, веќе се здодевни текстовите за тоа колку многу работи овој или оној политичар, де странски, де домашен… Па, затоа земаат плата, за да работат.
Сосема непотребно сожалување на „кутрите“ државници…
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
можеби се прикриени информации
ПРИСТРАСНОСТ
не може да се утврди
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови