Кога со стар мебел се прави нова вест!
Објавено во Рецензии
on 9 - 12 - 2015 Автор: Димитар Тануров
[Рецензија: Спасовски и СДСМ едно зборуваат во опозиција, а друго кога се на позиција]
Текстот е коментарски и едностран, нема реакција од министерот за внатрешни работи, нема наведен избор за тврдењата, ниту, пак, поткрепа на изнесените тврдења.
Линк до оригиналниот напис: Спасовски и СДСМ едно зборуваат во опозиција, а друго кога се на позиција
Датум и време на објавување: 7.12. 2015, 15:26
Датум на рецензирање: 08.12.2015
Рецензент: Димитар Тануров
„Техничкиот министер за внатрешни работи Оливер Спасовски денес се пофали со новиот мебел кој го набавил за своите соработници, нови фотелји, канцелариски бироа, иако неговата партија жестоко го напаѓаше секој буџет ветувајќи дека ставката за набавка на канцелариски мебел и опрема ќе ја сведеле на нула.“
Авторот на текстот, испуштајќи дел од информацијата, наведува дека министерот не соопштил колку чини новиот мебел и дава коментар. Никаде во текстот нема попрецизна информација за тоа за каков мебел се работи. За колку фотелји, бироа, телевизори? Дали тие се набавени за неговата кацеларија или и за просториите на другите вработени? Сетоа ова го прави воведот конфузен и се добива впечаток дека и не се знае точно за што се работи, освен што се гледа дека треба да се нападне министерот.
„Спасовски не кажа колку чини новонабавениот канцелариски мебел, но од фотографиите објавени во медиумите може да се види дека истите воопшто не се евтини, а уште помалку нула денари.“
И овој дел од инфромацијата е неточeн. Спасовски на брифингот го покажа мебелот во канцеларијата и соопшти дека нема ништо ново купено, туку дека тоа го наследил од своите претходници.
Во текстот нема изјава од министерот, нема поткрепа на изнесените информации со прецизно идентификувани извори.
Како извор е употребена фразата „дел од вработените“, која е искористена за да се даде свое видување и коментар.
Текстот без наведување извори и без поткрепа на изнесените информации не му дава можност на читателот да ја оцени реалната состојба, туку со нивно испуштање се обидува да промовира еднострана слика за ситуацијата, гледана низ призмата на власта.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
поврзан со тагови