Ќе се плаќа за влез во ЕУ, но од 2021 година
Објавено во Рецензии
on 18 - 11 - 2016 Автор: Ана Анастасовска
[Рецензија:БРИСЕЛ ОДЛУЧИ: За влез во ЕУ ќе плаќаме пет евра]
Текстот што е предмет на оваа рецензија има сензационален наслов, но информациите што ги нуди не се прецизизно објаснети, па создаваат забуна во јавноста.
Линк до оригиналниот напис: БРИСЕЛ ОДЛУЧИ: За влез во ЕУ ќе плаќаме пет евра
Датум и време на објавување: 16.11.2016
Датум на рецензирање: 18.11.2016
Рецензент: Ана Анастасовска
НЕ „ОДЛУЧИ“, ТУКУ ДОПРВА „ЌЕ СЕ ОДЛУЧУВА“
Во насловот и во текстот се вели дека Брисел одлучил за влез во ЕУ да се плаќаат пет евра.
„За влез во земјите од шенген-зоната македонските граѓани ќе плаќаат пет евра. Европската комисија одлучи дека земјите што не се дел од ЕУ, а кои имаат безвизен режим, да плаќаат за влез во Унијата. Дозволата ќе важи за повеќе влезови во период од пет години. Лица помлади од 18 години нема да плаќаат“.
Но, информацијата не е убаво објаснета. Како прво, Брисел сè уште не одлучил конечно за оваа мерка, туку ова е предлог на Европската комисија за кој понатаму ќе се одлучува дали ќе се усвои. Второ, ваквиот предлог, доколку се усвои, ќе важи од 2021 година. Тоа во текстот не е наведено поради што е нејасно од кога граѓаните од земјите кои не се членки на ЕУ ќе плаќаат за влез во Унијата.
„Дозволата ќе се издава на самите гранични премини и процедурата ќе трае само неколку дена, уверуваат од Европската Унија. Ова најмногу се прави за поголема контрола по големиот мигрантски бран и опасноста од влез на терористи“.
И овој дел е нејасен. Нема извор од каде е пренесено уверувањето од Европската Унија, а не е убаво објаснета и процедурата за аплицирање за дозвола. Имено, како што објавија некои други медиуми, во согласност со предлогот на ЕК, патниците ќе треба да поднесат апликација за влез во земја од шенген-зоната на посебна интернет-страница или преку апликација за мобилен телефон.
Веста во овој напис не е сеопфатна и не нуди прецизни одговори. Според тоа, не е исполнето основното новинарско правило дека една информација мора да биде убаво проверена од што е можно повеќе страни за јавноста да добие јасна слика за она за што се информира.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
Не може да се утврди
политичка пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
нејасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
поврзан со тагови