„Келнерот“ ја испорача реклама-нарачката
Објавено во Рецензии
on 25 - 03 - 2016 Автор: Зоран Бојаровски
[Рецензија: Груевски фаворизиран од еден од најтиражните дневни весници во САД]
Два непобтни факти ја почнуваат и ја завршуваат оваа рецензија. Како прво, фактот дека овој текст е објавен на страницата „Мислења“ (Opinion), што е видливо во горниот десен агол на принтскринот објавен во весникот каде што е пренесено ова мислење. Како второ, фактот дека Џејсон Кац (Jason Katz), авторот на ова мислење, не е вработен во „Вашингтон тајмс“. Џејсон Кац е директор на компанијата за односи со јавноста „Тул Шед груп“, експерт за стратегиски комуникации и политички советник и поранешен извршен директор за односи со јавноста на Американскиот Еврејски комитет.
Сето ова го пишува во дисклејмерот на крајот од текстот, мислењето на Кац за политичката ситуација, објавено во „Вашингтон пост“.
„Вашингтон пост“ не пропушта да го објави тоа зашто тоа е сосема вообичаена практика со која редакцијата на весникот се заштитува нечие мислење да не биде идентификувано како нивни став.
Инаку, весници кои внимаваат на стандардите и на професионалната етика, внимаваат и на овиде детали: Во рубриката „Opinion“ многу јасно се одбележани новинарите на „Вашингтон тајмс“ и на другите. До авторите што произлегуваат од редакцијата задолжително стои името на авторот и името на весникот, а кај другите е само името.
Се разбира, така е во нормалните земји, каде што се почитуваат и се практикуваат професионалните и етички новинарски стандарди.
Линк до оригиналниот напис: Груевски фаворизиран од еден од најтиражните дневни весници во САД
Датум и време на објавување: 22.03.2016, 17:35
Датум на рецензирање: 25.03.2016
Рецензент: Зоран Бојаровски
ЛАЖНА СЛИКА
Објавувањето на ова мислење кај нас, воопшто не ги почитува овие стандарди. На ниту едно место од пренесениот текст не се нотира дека се работи за мислење на махер за односи со јавноста ниту, пак, дека авторот не е дел од „Вашингтон пост“.
Внимавајте! Во пренесениот текст, во уредничките интервенции, не се ни споменува името на авторот!
Тоа се забошотува само со една намера – да се создаде лажна слика дека некој американски весник го подржува и го фаворизира лидерот на владејачката партија.
Уште повеќе. Во конкретниот случај се оди чекор понапред во фалсификувањето на оригиналната природа на овој текст – дека е само мислење на еден „реклама-келнер“ и со наднасловот го спинува текстот во апсолутно неодржлива насока. Надналовот вели:
„Вашингтон се замеша во изборната трка во Македонија“
Тоа не е фер, туку одразува тенденциозност и пристрасност. Зашто кога велите „Вашингтон“, тоа е вообичаена фраза која треба да идентификува дека властите на САД стојат зад тој став. Тоа, во овој случај, апсолутно не е точно.
На крајот, само може да се каже дека може да му се „прости“ на „реклама-келнерот“, бидејки тоа му е работа – да ја испорача нарачката. Но, секако, од аспект на професионалната новинарска етика, како и од аспект на политичката култура, оваа постапка е – непростлива.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
нема контекстуални линкови
стилски уреден
неповрзан со тагови