Какофоничен текст од почеток до крај
Објавено во Рецензии
on 26 - 01 - 2016 Автор: Владо Ѓорчев
[Двоен аршин на опозицијата: Во кое својство Заев сечеше ленти]
Текстот е какофоничен од почеток до крај. Тоа значи дека е неусогласен, збркан и хаотичен. Истовремено, тој е несодржаен, не е објективен, нема изјава од нападнатата страна…
Линк до оригиналниот напис: Двоен аршин на опозицијата: Во кое својство Заев сечеше ленти
Датум и време на објавување: 22.01.2016, 21:54
Датум на рецензирање: 25.01.2016
Рецензент: Владо Ѓорчев
НЕ ЗАЕВ, ТУКУ ЖЕРНОВСКИ СЕЧЕЛ ЛЕНТА
Написот прави споредба помеѓу Заев и првиот човек на ВМРО-ДПМНЕ, Никола Груевски, по пишувањата во медиумите дека поранешниот премиер сè уште се однесува како прв човек на Владата. Текстот во ниту еден момент не го проблематизира однесувањето на Груевски, туку го критикува однесувањето на Заев.
Самиот наслов, пак, „Двоен аршин на опозицијата: Во кое својство Заев сечеше ленти“, е невистинит.
Претседателот на СДСМ, Зоран Заев, не сечел лента на отворањето на детската градинка „Кочо Рацин“ на 28 октомври 2015 година, туку само присуствувал како гостин. Тогаш медиумите информираа дека на свечената приредба:
„…присуствуваа градоначалникот на Центар, Андреј Жерновски, претседателот на СДСМ Зоран Заев, родители, амбасадори, политичари, советници, пратеници…“
А на видеоснимката од настанот (0,14 минута) се гледа дека лентата ја пресекол градоначалникот на Центар, Андреј Жерновски. Впрочем, и на фотографиите со кои е илустриран написот што го рецензираме може да се види дека Заев е во публиката.
Во оваа објава, исто така, се констатира дека
„Нема одговор ниту во кое својство Заев освен во Центар присуствуваше и на промоција на други проекти во Куманово. Очигледно сечењето на ленти кога станува збор за Заев, не важи.“
Меѓутоа, низ архивата на медиумите не може да се најде запис за тоа дека Заев сечел лента на некој проект во Куманово. Еден коректен текст би вклучил и изјава од Заев или од СДСМ, ама тука тоа не е сторено. Па, гледано во целина, на читателите им е понуден еден непрофесионален новинарски производ во кој е изместено тежиштето на вистината.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
има евидентирани извори
неофицијални, анонимни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
селективно наведен автор (извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
поврзан со тагови