Извртување на изјава до непрепознатливост
Објавено во Рецензии
on 22 - 06 - 2016 Автор: Симона Атанасова[Рецензија: Наташа Габер го оправдува кршењето, палењето и тепањето од страна на „шарените“]
Целосно извртување на изјавата на уставната судијка Наташа Габер и манипулирање со додадени и со неточни детали. Текстот што е предмет на оваа анализа ѝ става зборови во уста на судијката кои таа воопшто не ги кажала. Написот е преземен од друг медиум, но не е соодветно линкуван.
Линк до оригиналниот напис: Наташа Габер го оправдува кршењето, палењето и тепањето од страна на „шарените“
Датум и време на објавување: 18.06.2016, 18:29
Датум на рецензирање: 21.06.2016
Рецензент: Симона Атанасова
ИЗВИТОПЕРУВАЊЕ
„Уставната судијка Наташа Габер, која инаку е сестра на Виктор Габер од СДСМ го оправдува кршењето, крадењето, палењето и тепањето обични граѓани за време на протестите организирани од опозицијата, пишува „Курир“.“
Никаде во интервјуто судијката Габер ( дадено за веб-порталот „Нова ТВ“) не изјавува дека го оправдува кршењето, крадењето, палењето и тепањето на обични граѓани за време на протестите, туку, баш напротив, таа вели дека мирните протести се уставно загарантирано право.
„Правото на протест е загарантирано уставно право. И не само со нашот Устав туку и со сите меѓународни документи. Луѓето имаат право на мирен протест. Формата на мирен протест кај нас има други размери. Едната страна смета дека тоа е државен имот, државна сопственост која се оштетува и дека има одредена вредност. Другата страна смета дека таа вредност што системот смета дека има вредност, дека нема вредност всушност бидејќи го нема елементот на партиципативност којшто таа вредност би ја направила заедничка. Оттаму одреден дел од граѓанството на Република Македонија го црпи сопствениот легитимитет да каже дека „јас имам право затоа што е направено со наши средства да интервенирам на таков начин како јас што сметам бидејќи ние на некој начин сме го плаќале тоа“, рече судијката Габер.
Никаде во оваа изјава на Габер (која е ставена во текстот само како видеозапис, но не е транскрибирана) нема изразување поддршка за крадење, кршење, палење и за тепање обични граѓани. Напротив, таа само стручно ги опишува двете страни, демонстрантите на „Шарената револуција“ и тие што се против нивните постапки.
Потоа, скокајќи од една тема на друга, написот сака да го наруши кредибилитетот на судијката Габер со тоа што ја поврзува со опозицискиот СДСМ. Според текстот, а без докази, судијката Габер се поврзува со СДСМ, само затоа што била избрана на предлог на тогашниот претседател Бранко Црвенковски.
Со извртување на тезите и со изјавата на судијката Габер, текстот, наместо да информира, ги манипулира читателите и ги наведува неосновано да формираат негативно мислење за судијката, што е недозволиво во професионалното и етичкото новинарство.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални, неофицијални
релевантни, нерелевантни
2 извори
повеќестрани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
има контекстуални линкови
стилски уреден
поврзан со тагови