Површно и погрешно пренесување на информациите
Објавено во Рецензии
on 22 - 06 - 2016 Автор: Benjamin Arifi
Напис: Анкета на ИРИ: ДУИ на прво место, борба меѓу ДПА и ДР-ДПА за второто место
Според анкетата реализирана од ИРИ, Американскиот републикански институт со седиште во Вашингтон, од албанските партии ДУИ продолжува да биде најдоверлива кај Албанците со 6 отсто.
Борба се води за второто место, меѓу ДПА, Беса и ДР-ДПА.
[Рецензија – Анкета на ИРИ: ДУИ на прво место, борба меѓу ДПА и ДР-ДПА за второто место]
Една мултидимензионална анкета за рејтинзите на политичките партии, и не само за нив, во текстот што го рецензираме е пренесена само со две реченици. И овој краток текст, таков каков што е, повеќе шири магла отколку што ги појаснува работите. Дури, се забележува и искривување на фактите од анкетата.
Линк до оригиналниот напис: Анкета на ИРИ: ДУИ на прво место, борба меѓу ДПА и ДР-ДПА за второто место
Датум и време на објавување: 09.06.2016
Датум на рецензирање: 10.06.2016
Рецензент: Бењамин Арифи
Освен класичните рејтинзи, последната анкета на ИРИ го истражува јавното мислење со разни прашања околу ангажманот и учеството на политичките партии на терен, со прашања како „на која партија припаѓате или мислите да припаѓате“, „која партија е поактивна во вашето живеалиште“ или „која партија работи повеќе за да ја добие вашата подршка“. Сето ова претставува доволен материјал за анализа од медиумите, но овој текст, наместо ова, овој обемен материјал го „пакува“ само во две реченици.
Дури и инфографиците во илустративна форма не се преведени на албански јазик, правејќи го текстот уште понедофатлив за читателите.
Анкетата нуди и компаративни податоци за неколку различни периоди, но во овој текст недостига и компаративната анализа.
Меѓутоа, главниот проблем со овој напис е искривувањето на фактите. Намерно или не, авторот направил тешка манипулација со податоците од анкетата. Уште од насловот, но и во текстот, тој ја спомнува ДР-ДПА како претендент за втората позиција во редот на албанските политички партии, иако анкетата воопшто не дава резултати за ДР-ДПА.
„Според анкетата реализирана од ИРИ, Американскиот републикански институт со седиште во Вашингтон, од албанските партии ДУИ продолжува да биде најдоверлива кај Албанците со 6 отсто.
Борба се води за второто место, меѓу ДПА, Беса и ДР-ДПА“, се вели во текстот.
Единствените албански партии што фигурираат во оваа анкета на ИРИ се ДУИ, Беса, ДПА и НДП. Не е јасно од каде авторот го извадил резултатот на ДР-ДПА, што го спомнува во текстот.
Кодексот на новинарите јасно порачува дека „новинарот треба да објави вистинити и потврдени информации и нема да прикрие суштински податоци или да фалсификува документи“.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
официјални
релевантни,
1 извор
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
Не може да се утврди
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
Дезинформира
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
има контекстуални линкови
стилски уреден
поврзан со тагови