Грев – Заев го копирал Обама!
Објавено во Рецензии
on 30 - 11 - 2015 Автор: Љубомир Костовски
[Рецензија: СДСМ потврдија дека немаат визија туку работат копи-пејст само за провизија!]
Најавата на СДСМ дека ќе држи програмски конгрес во првата половина од декември, за текстот што е предмет на рецензија, означи повод за бесповоден напад. Програмите на партиите не се многу присутни во јавноста, а тие треба да бидат дел од секојдневието на која било активна организација што сака да се занимава со политика. Да не заборавиме, најчест напад на владејачката партија кон СДСМ е дека таа е „партија без програма“. Овојпат, „кога решила“ да прави програма, таа е обвинета за „копи-пејст“. Врз основа?
Линк до оригиналниот напис: СДСМ потврдија дека немаат визија туку работат копи-пејст само за провизија!
Датум и време на објавување: 26.11.2015, 16:22
Датум на рецензирање: 28.11.2015
Рецензент: Љубомир Костовски
„Зоран Заев, соочен со постојаните критики од јавноста и експертите дека се обидува да ја добие поддршката од граѓаните без програма и концепт, деновиве излезе во јавноста да претстави наводно изработен програмски документ, кој по повеќе основи воопшто не наликува на сериозна политичка понуда од партија која претендира за добивање на доберва на граѓаните.“
Овој цитат навестува дека пред себе имаме текст што претендира на продлабочена и на евентуална споредбена анализа на програмите на двете најголеми партии кај нас. Но, се соочуваме со невидена површност кога подолу ќе сфатиме дека единствениот „грев“ на Бихаќка бил што „копирањето на концепти и на програми“ e во тоа што почнала анкета меѓу граѓаните за тоа што да се стави во програмата. A, тоа една или две недели претходно го почнала ВМРО-ДПМНЕ. Има ли владеjачката партија некаков патент во правењето анкети?!
Вториот „копи-пејст“ на СДСМ е што неговите визуелни пораки и илустрации на постерите биле многу налик на советските, што оставаме да е прашање на перцепција (и во советската ера, секако, внимавале на пропагандните ефекти!), а битни се пораките кои би биле евентуално споредливи, нели.
Третата мана веќе се допира до нешто што навистина го има во програмата на СДСМ, а што се смета дека има суштинска позиција во програмскиот мамец. Тоа е прашањето на враќањето на средната класа, за што никој меѓу нашите партии досега не покажал потреба да го присвојува. Но, текстот наоѓа мана во тоа што идејата за враќање на средната класа припаѓала на демократската понуда на американскиот претседател Обама, што се илустрира со еден цитат на именуваниот политичар. Најпрвин, прашањето на враќањето на средната класа не е оригинален концепт на некоја партија или земја, туку проблем на либералниот свет, кој би посакал на тој начин да ги сочува демократските вредности. Но, тоа е, се чини, прашање на капацитетот за да можат да се сфатат тие релации.
Понатаму, и да се работи за копија од постара и постабилна демократија, тоа не е грев, нели?
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови