Евтини трикови
Објавено во Рецензии
on 11 - 11 - 2015 Автор: Зоран Бојаровски
[Рецензија: Партиски новинар глуми борба за независни медиуми]
Една од најчестите постапки на новинарите што имаат недостиг од капацитет за етички исправно новинарство е недостигот од аргументи да го заменат со напади на личностите што на некој начин се дел од медиумските приказни. И во овој текст што го рецензираме имаме таков случај.
Аргументи што висат во воздух, без темел. И тоа само поради тоа што некој некогаш бил новинар, а сега е политичар. Како да веќе не смее да се впушта во дебата за медиумските состојби или да отвора прашања за состојбите во нашата журналистика. Барем да имаше еден единствен аргумент. Но, кому му е гајле за аргументите.
Оттаму, една сосема вообичаена задача, како што е новинарски извештај за исходот од работата на партискиите делегации по прашањата за медиумите, како дел од Договорот од Пржино и препораките од извештајот на Прибе, е претворена во пристрасна, ад хоминем напаѓачка сторија. Во настојувањето да ја оствари таа неновинарска позиција, авторот на оваа содржина ја изгубил главната тема и поента.
Којзнае, можеби поентата била токму тоа што го гледаме пред нас. Но, тоа не е новинарство соодветно на професионалните стандарди и етички кодекси.
Линк до оригиналниот напис: Партиски новинар глуми борба за независни медиуми
Датум и време на објавување: 09.11.2015
Датум на рецензирање: 10.11.2015
Рецензент: Зоран Бојаровски
Уште најмалку два члена од Кодексот се прекршени со оваа „новинарска работа“. Како прво, ептен е очигледна политичката пристрасност, а членот 14 од новинарскиот „устав“ вели:
Известувањето од политичките процеси, посебно од изборите треба да биде непристрасно и избалансирано. Новинарот мора да обезбеди професионална дистанца од политичките субјекти.
Кога веќе нема професионална дистанца, многу лесно се кршат и други(те) принципи од Кодексот. Во нашиот случај тоа е членот 16:
Новинарот ќе ги чува угледот и достоинството на својата професија, ќе ги поттикнува заемната солидарност и различност на ставовите и нема да го употреби својот медиум за пресметка со личности, вклучувајќи ги и своите колеги.
„Пресметка со личности“ е многу јасен и прецизен опис за тоа што го имаме пред нас кога ја читаме оваа новинарска содржина.
На крајот, за една постапка која не е предвидена за оцена соодветно на Методологијата за проверка на фактите од медиумите, за трикот еден ист текст да се подели во повеќе делови за да се добијат повеќе кликнувања. Ниту еден сериозен информативен портал не го прави тоа. Многу евтино и провидно.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
Небитни
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
нема прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови