Полните имиња и презимиња на осомничени лица не се објавуваат
Објавено во Рецензии
on 11 - 11 - 2015 Автор: Владо Ѓорчев
[Рецензија: Ова се напаѓачите од Клинички – СДСМ не ги интересира тоа!]
Ова е текст кој прави значајни грешки неприфатливи за новинарството. Покрај тоа што со него се сака да се плука по опозицијата, неаргументирано бара некаква одговорност од СДСМ. А, зошто оваа партија да има некаква одговорност? Таа не е владејачка партија! Башка што во ниту еден момент овој текст не ја лоцира вината кај министерот за здравство, Никола Тодоров, кој има морална одговорност.
Линк до оригиналниот напис: Ова се напаѓачите од Клинички – СДСМ не ги интересира тоа!
Датум и време на објавување: 9.11.2015, 15:27
Датум на рецензирање: 10.11.2015
Рецензент: Владо Ѓорчев
Овој наслов, во најмала рака, е чуден. Каква поврзаност има и за што треба да му е гајле на СДСМ? Тоа не е наведено во текстот, иако како констатација стои во насловот. Најверојатно во текстот е заборавено да се наведе дека „гајле“ за овој случај треба да му е на министерот за здравство и на министерот за внатрешни работи. Освен во насловот, во текстот ниту еднаш не е споменат СДСМ, па затоа оваа насловна конструкција е и повеќе од нејасна.
Тоа што овој текст, исто така, не го зел предвид е Уставот на Република Македонија. Во член 13 пишува:
Лицето обвинето за казниво дело ќе се смета за невино се додека неговата вина не биде утврдена со правосилна судска одлука. Лицето незаконито лишено од слобода, притворено или незаконито осудено, има право на надомест на штета и други права утврдени со закон.
Тука, пак, со име и со презиме се наведени сите осомничени како да се веќе осудени сторители.
Со ова, се врши јавен притисок за предвремено осудување неосудени лица, а со тоа се врши и јавен притисок на судството.
„Лекарите, пак, од Хирургија, наместо да побараат одговорност за инциднтот кај сторителите, вината ја лоцираат кај министерот за здравство, Никола Тодоров, од кого побараа итна оставка. А, во спротивно, доколку не им се испонело барањето, лекарите се заканија дека нема да оперираат на хируршките клиники.“
Овој пасус, пак, е целосно неразбирлив. Одговорност, секако, ќе има. За тоа се задолжени МВР, па обвинителството, па судот. Лекарите вчера побараа одговорност, но тоа е обврска на некој друг. И зошто да е спорно да побараат одговорност од министерот за здравство? Па, тој им е претпоставен. Во негова надлежност е непреченото функционирање на здравствените објекти.
Ако се сакало да има сериозен текст, во него морало да се најде место и за изјавите на лекарите, во кои се точно наведени нивните ставови за тоа каде и зошто ја лоцират одговорноста.
Исто така, во текстот е прекршен член 8 од Кодексот на новинари во кој се вели:
Начинот на информирање во случаи на несреќи, елементарни непогоди, војни, семејни трагедии, болести, судски постапки мора да биде ослободен од сензационализми.
Во судските постапки треба да се почитува принципот на пресумпција на невиност, да се известува за сите инволвирани страни во спорот и да не се сугерира пресуда.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
целосно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови